ҺАВА ТОРЫШЫ +26 oC

Яңалыклар

барлык хәбәрләр Татарстан Россия
МӨҺим
«Зөләйха» сериалында Мортаза ролен Минвәли Габдуллин уйнавы мөмкин
24 июньнең төп вакыйгалары - фото һәм сылтамалар
"Каннга барып җиткән беренче татар" катнашында эшләнгән фильм Казан фестивалендә күрсәтелә
Театр сабан туеның баш батыры - Кариев театры артисты Илдар Әхмәдуллин
Урта Бирәзә авылында Теләчедән Раил Нургалиев абсолют батыр калды

Җәмгыять

Чирмешән районының Әккәрәй авылында Крещениегә кадәр үк коена башлаганнар

14 гыйнвар 2018, 07:00

Чирмешән районының Әккәрәй авылында Крещениегә кадәр үк коена башлаганнар Православие динен тотучылар 19 гыйнварда Крещение бәйрәмен билгеләп үтә.

(Чирмешән, 14 гыйнвар, “Татар-информ“, “Безнең Чирмешән“, Гөлсирә Шәрифуллина). Чирмешән районының Әккәрәй авылында Православие динен тотучылар 19 гыйнварда Крещение бәйрәмен билгеләп үтә, дип яза җирле басма.

Бу көнне барлык чиркәүләрдә, шул исәптән безнең районда да тантаналы гыйбадәт кылу һәм суны изгеләндерү йоласы булачак, аннан христианнар изгеләндерелгән бәкегә чумалар. Изгеләндерелгән суның могҗизалы көче бар, өч көн дәвамында аны байтак алып калалар.

Әлеге суны аз-азлап ел әйләнәсендә эчәргә мөмкин, бигрәк тә сырхаулап торганда. Өйләренә, эш урыннарына су бөркеп чыгалар. Изге суны бу көнне сулыклардан гына түгел, краннан да агызып алырга мөмкин.

Әккәрәй авылында ел саен Сөлчә елгасында бәке ясыйлар икән. Нигездә, бу эш белән бертуган Михаил һәм Сергей Кваковлар шөгыльләнә, аларга башка авылдашлары да булыша.

-Дөресен әйткәндә, без инде 1 гыйнвардан бирле коенабыз, - ди Михаил. – Авылда хәтта “моржлар” клубы да бар, кыш көне өлкәннәр генә түгел, балалар да рәхәтләнеп су керә. Коену өчен ел саен гел бер урында урын ясыйбыз. Яр буеннан менеп-төшәргә баскычлар урнаштырабыз, бәке тирәсен тотып алабыз, су төбенә тактадан идән җәябез, кыскасы, уңайлыклар тудырабыз. Чишенеп-киенергә дә урын бар. Крещение бәйрәмендә биредә халык аеруча күп җыела. Күрше авыллардан да, Чирмешәннән дә коенырга киләләр.

Сүз уңаеннан, шушы көннәрдә монда, кышкы коену сезонын ачу уңаеннан, зур чара оештырганнар. Бәйрәмгә Кыш бабай һәм Нептун да килгән, аларны русалкалар һәм бакалар озатып йөргәннәр.

Чирмешәнлеләр исә быел да былтыргы урында, Чирмешән елгасында коена алачак. Бәйрәм төнендә Кече Чегодай авылы янәшәсендә, елгада бәйрәм хөрмәтенә массакүләм район чарасы оештырырга телиләр.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10