ҺАВА ТОРЫШЫ -11 oC

Яңалыклар

барлык хәбәрләр Татарстан Россия

Җәмгыять

Баулы районы пенсионерлары компьютер белеменә ия булу турында сертификат алдылар

14 гыйнвар 2018, 03:00

Баулы районы пенсионерлары компьютер белеменә ия булу турында сертификат алдылар 2009 елның октябрь аеннан Баулы районында пенсионерлар союзы каршында өченче буын университеты эшләп килә.

(Баулы, 14 гыйнвар, "Татар-информ", "Хезмәткә дан"). Исергәптә яшәүче 17 пенсионер компьютер белеменә ия булу турында сертификат алдылар. Әлеге документны аларга тантаналы төстә табын артында Баулы һәм Ютазы районнары буенча пенсия фонды идарәсе начальнигы Станислав Тимофеев һәм районның пенсионерлар советы рәисе Альвина Сәмигуллина тапшырдылар, дип яза җирле басма.

2009 елның октябрь аеннан Баулы районында пенсионерлар союзы каршында өченче буын университеты эшләп килә. Анда ел саен уку елы башында 6-7 факультет (компьютер белеме нигезләре, сәламәтлек курслары, йөзү терапиясе, хокук белеме нигезләре, психология, бию терапиясе һәм чит телләр өйрәнү курслары) үз ишекләрен ача. Шушы дәвер эчендә районның алты йөздән артык пенсионеры компьютер белеме нигезләрен үзләштерү турында сертификат алуга ирешкәннәр.

– Быелгы уку елында гына да Яңа Чүтедә 23 кеше, Исергәптә 17 кеше, Алексеевкада 19 кеше компьютерда эшләргә өйрәнделәр. Сертификатлар тапшыруны Исергәптә шундый мул табын белән, тантаналы итеп оештырганнар. Заманча чыгарылыш кичәсен хәтерләтеп куйды, – ди районның пенсионерлар советы рәисе Альвина Сәмигуллина.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10