ҺАВА ТОРЫШЫ +12 oC

Яңалыклар

барлык хәбәрләр Татарстан Россия

Татар дөньясы

Казан шәһәре буенча “Ак калфак” оешмасының күчмә утырышы узачак

14 гыйнвар 2018, 13:16

Казан шәһәре буенча “Ак калфак” оешмасының күчмә утырышы узачак Күчмә утырыш Казан шәһәре Вахитов районының 27 нче гимназиясендә уздырыла.

(Казан, 14 гыйнвар, “Татар-информ”). 19 гыйнвар көнне 14.00 сәгатьтә Казан шәһәре буенча Бөтендөнья татар хатын-кызларының «Ак калфак» иҗтимагый оешмасының күчмә утырышы узачак. Бу хакта Бөтендөнья татар конгрессы матбугат хезмәте хәбәр итә.

Бу чарага башкаланың һәрбер мәктәбеннән, балалар бакчасыннан, оешмалардан бер вәкил чакырыла.

Программада:

Казан шәһәре буенча татар хатын-кызларының «Ак калфак» иҗтимагый оешмасы җитәкчесе Рәхимә Арсланованың оешманың эш планы белән таныштыруы;
Хатын-кыз модасы буенча “Эбиволь“ ширкәте вәкиле һәм Флера Калмурзинаның чыгышлары;
“Милли моңнар” югары категорияле татар теле һәм әдәбияты укытучысы Гөлшат Гарифуллина чыгышы;
“Гаиләдә хатын-кызның роле” темасына А.Алиш премиясе лауреаты, “Шәһри Казан“ газетасы журналисты, күп балалы ана Йолдыз Шәрәпова чыгышы һ.б. каралган.

Күчмә утырыш Казан шәһәре Вахитов районының 27 нче гимназиясендә уздырыла.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10