ҺАВА ТОРЫШЫ +4 oC

Яңалыклар

барлык хәбәрләр Татарстан Россия
МӨҺим
КФУның “Мизгел” яшьләр театры актерларга кастинг игълан итә
25 майның төп вакыйгалары - фото һәм сылтамалар
Р.Миңнеханов 2018 елгы Петербург халыкара икътисадый форумының пленар утырышында катнашты
Т.Миңнуллина: Петербург халыкара икътисадый форумында "биш"кә эшләдек
Әлмәт колониясендәге янгынның гомуми мәйданы якынча 2 мең кв. метр тирәсе

Мәдәният

Арпад Галгоци Аяз Гыйләҗевның «Йәгез, бер дога» китабы презентациясендә онлайн катнаша

17 гыйнвар 2018, 10:05 , Фото: Султан Исхаков

Арпад Галгоци Аяз Гыйләҗевның «Йәгез, бер дога» китабы презентациясендә онлайн катнаша Бүген Татарстанның халык язучысы, Габдулла Тукай исемендәге Дәүләт бүләге лауреаты Аяз Гыйләҗевның тууына 90 ел.

(Казан, 17 гыйнвар, «Татар-информ»). Күренекле татар язучысы Аяз Гыйләҗевның «Йәгез, бер дога» китабының «Давайте помолимся» исеме астында рус теленә тәрҗемәсе презентациясендә скайп аша Арпад Галгоци катнаша.

Арпад Галгоци – Аяз Гыйләҗев белән бергә тоткынлыкта булган, 1990 елларда ГУЛАГ турында өч китап чыгарган шәхес, Венгриядә яши. Татар дөньясы өчен аны танылган галимә Миләүшә Хабетдинова ачты – Аяз Гыйләҗев хатирәләрендә сурәтләнгән егетне ул эзләп таба.

Искәртеп үтәбез, 19 гыйнварда Мәскәүнең ГУЛАГ музеенда «Давайте помолимся» китабының русча презентациясе уздырыла. Китапны язучының уллары – Татар энциклопедиясе һәм төбәкне өйрәнү институты, тарих фәннәре докторы Искәндәр Гыйләҗев һәм драматург Мансур Гыйләҗев; филология фәннәре кандидаты, шулай ук, КФУ доценты Миләүшә Хабетдинова тәкъдим итәчәк.

“Без китапны тәкъдим итергә Венгриягә барырга тиеш идек. 20 гыйнварда, Аяз абыйның туган көненә багышлап, искә алу кичәсе уздырабыз дигән идек. Хәзер планнар бераз үзгәрде: венгр дусларыбыз интернет челтәре аша Мәскәүдә узасы чарада катнашачаклар, скайп аша чыгышлар ясыйлар. Онлайн очрашуны Венгрия татарларының Әлифба җәмгыяте вәкиле Рита Хәсәнова оештыра”, – дип сөйләде “Татар-информ”га Миләүшә Хабетдинова. Онлайн очрашуда ГУЛАГ фонды дирекциясе вәкилләре, язучы Арпад Галгоци һәм Израильдән Венгриягә килгән Ирина Сохута катнаша.

Мәгълүмат өчен. Бүген Татарстанның халык язучысы, Габдулла Тукай исемендәге Дәүләт бүләге лауреаты Аяз Гыйләҗевның тууына 90 ел. Татарстанда күренекле язучыны искә алу чаралары үтә.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10