ҺАВА ТОРЫШЫ +20 oC

Яңалыклар

барлык хәбәрләр Татарстан Россия
МӨҺим
Язучылар берлеге әдәби премияләргә кандидатлар күрсәтте
Татарстан китап нәшрияты китапларын “Кызыл мәйдан-2018” фестивалендә тәкъдим итәләр
Татарстанның кайбер хуҗалыкларында язгы чәчүне төгәлләделәр
Казанда футбол буенча Дөнья чемпионаты вакытында митинглар үткәрүне чикләячәкләр
23 майның төп вакыйгалары - фото һәм сылтамалар

Рәсми Татарстан

Миңнеханов: Татар зиратында кабер ташларын җимергән вәхшиләр әле дә суд каршына басмаган

18 гыйнвар 2018, 11:37 , Фото: prav.tatarstan.ru

Миңнеханов: Татар зиратында кабер ташларын җимергән вәхшиләр әле дә суд каршына басмаган Шул ук вакытта Татарстан Президенты экстремизм һәм террорчылыкка каршы торуда уңай динамиканы билгеләп үтте.

(Казан, 18 гыйнвар, «Татар-информ», Александр Елисеев). ТР эчке эшләр министры Артем Хохорин хезмәткәрләр тарафыннан җинаять кылу очракларына юл куймау буенча алып барылган эшчәнлек турында сөйләде. Узган елда 22 полиция хезмәткәре җаваплылыкка тартылган.

«Түбән Камада булган вакыйгадан соң без атна саен полиция бүлекләрендә урнаштырылган күзәтү камераларындагы барлык язмаларны тикшерәбез. 90га якын өстәмә камера куелды», - дип искәртте Артем Хохорин.

Татарстан Президенты полицейскийларның эшен билгеләп үтте һәм тәртип сагында торучылар игътибар юнәлтергә тиешле юнәлешләрне билгеләде.

«Икътисад, социаль өлкә һәм Татарстандагы инвестицион климат шул исәптән сезнең эшчәнлекнең нәтиҗәлелегенә дә бәйле. Республикадагы барлык уңай нәтиҗәләргә полицейскийлар эшчәнлеге нәтиҗәсендә дә ирешелде. Татарстанда җинаятьчелек дәрәҗәсе Россиядәгедән түбәнрәк. Җәмәгать урыннарында оператив хәл яхшырды. Шуның белән бергә, коррупциягә каршы көрәш һәм икътисад өлкәсендә полициянең потенциалы тулысынча файдаланылмый әле», - дип искәртте Татарстан Президенты.

Рөстәм Миңнеханов экстремизм һәм террорчылыкка каршы тору өлкәсендә уңай динамиканы билгеләп үтте.

«Әмма Казан һәм Яшел Үзәндәге татар зиратларында кабер ташларын җимергән вәхшиләр әле һаман да суд каршына басмаган», - диде Рөстәм Миңнеханов. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10