ҺАВА ТОРЫШЫ -15 oC

Яңалыклар

барлык хәбәрләр Татарстан Россия
МӨҺим
Татарстан чаңгычысы Андрей Ларьков Пхёнчханда Олимпиадада бронза медаль яулады
Татарстан “Җир сәгате” халыкара акциясендә катнаша
#атнабай флешмобына Асаф Вәлиев кушылды
Казан кызлары авыр хәлдә калганнарга ярдәм йөзеннән "Рәхмәт" хәйрия хәрәкәте оештырган
Казахстанның Сәмәй шәһәрендә татар теле курсларына казахлар да йөри

Җәмгыять

Прокурор мәдәният хезмәткәрләренә тел өлкәсендәге вазгыятьне куертмаска кушты

19 гыйнвар 2018, 19:57 , Фото: prav.tatarstan.ru

Прокурор мәдәният хезмәткәрләренә тел өлкәсендәге вазгыятьне куертмаска кушты Илдус Нәфыйков экстремизм юнәлешендә эш алып баручылар җавапка тартылачак, дип кисәтте.

(Казан, 19 гыйнвар, "Татар-информ", Гөлнар Гарифуллина). Милли һәм экстремистик оешмалар тарафдарларының тыныч вазгыятьне какшатырга омтылышлары сизелә. Татарстан прокуроры Илдус Нәфыйков прокуратура коллегиясе утырышында шулай дип белдерде. Ул мәгариф системасындагы процессларны тәртипкә китерү буенча үткәрелгән эшне ялгыш аңлаучылар турында сүз баруын әйтте.

Илдус Нәфыйков белдерүенчә, андыйларның эшчәнлеген дәүләт һәм муниципаль түрәләр, кайбер сәнгать һәм мәдәният эшлеклеләренең хуплавы борчый. "Кисәтеп куям: бу юл - билгесезлеккә илтә. Экстремистик күренешләргә юл куймаячакбыз, җавапка тартырга да бик мөмкинбез, катгый эш итәчәкбез" ,- дип белдерде.

"Экстремизм һәм террорчылыкны тамырдан корыту - көнүзәк бурыч. Прокурорлар закон бозылуның 6 меңнән артык очрагын ачыклады, хокук сакчылары күзәтчелеге нәтиҗәсендә 3,5 меңнән артык акт кабул ителде. Бу юнәлештәге җинаятьләр буенча 28 эш судларга юлланган, 61 кеше хөкем ителгән", - диде Илдус Нәфыйков.

Прокурор Интернет челтәрендәге тыелган контентка керү юлын ябу буенча 2 меңнән артык мәгълүмат юлланганын әйтте. "Хәзерге вакытта профилакатик чаралар комплексы гамәлгә ашырыла, шул исәптән иҗтимагый-сәяси, спорт һәм мәдәни чаралар уздыру объектларының куркынычсызлыгын тәэмин итү һәм террорчылыктан саклау белән бәйле чаралар. Шулай ук дөнья чемпионаты көтелү белән бәйле рәвештә, транспорт инфраструктурасы объектлары тикшереләчәк", - диде ул.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр