ҺАВА ТОРЫШЫ +23 oC

Яңалыклар

барлык хәбәрләр Татарстан Россия
МӨҺим
Рөстәм Миңнеханов Түбән Камада Химиклар көнен бәйрәм итүдә катнашты
Тарих белән кызыксынучыларны "Тарихи бранч"ка чакыралар
Казан халкы башкаланың дөнья чемпионатына әзерлеген контрольдә тота ала
Татарстанда эшсезлек дәрәҗәсе 0,56 процент тәшкил итә
Татарстан мөфтие туган телләрне саклау турында Путинга петицияне хуплады

Җәмгыять

Чаллы мэры чүп-чарны аерып җыя башлаган

21 гыйнвар 2018, 09:18 , Фото: Рамиль Гали

Чаллы мэры чүп-чарны аерып җыя башлаган “Чүп-чарны аерып җыю – бик шәп идея”, - дигән Наил Мәһдиев.

(Казан, 21 гыйнвар, “Татар-информ”). Яр Чаллы шәһәре мэры Наил Мәһдиев шәһәр халкы белән беррәттән чүп-чарны аерып җыя башлаган. Бу турыда “Чаллы хәбәрләре” газетасы яза.

“Экорассвет” экология хәрәкәте активистлары мэрдан ярдәм сораган. Чаллы мэры исә ярдәм вәгъдә иткән, диелә хәбәрдә. 

“Без яшьләр һәм балалар арасында чүп-чарны, көнкүреш калдыкларын аерып җыюны популярлаштырырга тырышабыз. Хәзер бу темага роликлар ясыйбыз. Әлеге мероприятиеның масштабларын киңәйтергә телибез”, - дип сөйләгән активистлар.

“Чүп-чарны аерып җыю – бик шәп идея”, - дигән Наил Мәһдиев. Мэр үзе дә аерып җыюын, ишегалдында шундый контейнерлар барлыкка килгәч, чүп-чарны тиешле әрҗәләргә салуын искәртеп узган.

“Бездә өч пакет бар – пластик, көнкүреш калдыгы, макулатура салу өчен. Лифт янында макулатура җыя торган әрҗә бар. Мин үзем һәм  хатыным иртән бу пакетларны урамга алып чыгабыз. Мин контейнерларның тулуын күрәм. Мондый культурага бөтен халыкны ияләштерү өчен, әлбәттә, вакыт кирәк”, - дип сөйләгән Чаллы мэры. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10