ҺАВА ТОРЫШЫ +19 oC

Яңалыклар

барлык хәбәрләр Татарстан Россия
МӨҺим
Язучылар берлеге әдәби премияләргә кандидатлар күрсәтте
Татарстан китап нәшрияты китапларын “Кызыл мәйдан-2018” фестивалендә тәкъдим итәләр
Татарстанның кайбер хуҗалыкларында язгы чәчүне төгәлләделәр
Казанда футбол буенча Дөнья чемпионаты вакытында митинглар үткәрүне чикләячәкләр
23 майның төп вакыйгалары - фото һәм сылтамалар

Мәдәният

Әтнәдәге дәүләт театры “Кече шәһәр театрлары” федераль проектында катнаша

23 гыйнвар 2018, 14:34

Әтнәдәге дәүләт театры “Кече шәһәр театрлары” федераль проектында катнаша Татарстан театрлары “Кече шәһәр театрлары” һәм “Театр - балаларга” федераль проектларында катнаша.

(Казан, 23 гыйнвар, "Татар-информ", Рузилә Мөхәммәтова). Быел “Кече шәһәр театрлары” федераль проектына Әтнә татар дәүләт драма театры да керәчәк. “Татар-информ”га бу хактагы мәгълүматны театр директоры Ленар Зәйнуллин раслады.

Искәртеп үтәбез, 2017 елда Габдулла Тукай исемендәге Әтнә татар дәүләт драма театры авыл җирлегендә урнашкан булуы сәбәпле, “Кече шәһәр театрлары” федераль проектына катнаша алмаган иде. Проектта халкы 300 меңнән артмаган кече шәһәрләрдә урнашкан дәүләти һәм муниципаль театрлар катнаша. Әтнә театры - Россиядә авыл җирлегендә ачылган бердәнбер дәүләт театры.

Быел проектка халкы 300 меңнән артмаган торак пунктларында урнашкан театрлар кертелә. Проект софинанслау шартларында тормышка ашырыла, ягъни акчаның бер өлеше республика бюджетыннан өстәлә.

Ленар Зәйнуллин билгеләп үткәнчә, Әтнә театры федераль проект кысаларында ике спектакль күрсәтәчәк. Аның берсе – Галиәскар Камалның “Безнең шәһәрнең серләре” комедиясе. Спектакльне театрның баш режиссеры Рамил Фазлыев куячак.

Искәртеп үтәбез, Татарстан театрлары “Кече шәһәр театрлары” һәм “Театр – балаларга” федераль проектларында катнаша. 2017 елда аларда тугыз дәүләт һәм ике муниципаль театр катнашты. Республика софинанславы белән бергә 37 млн.сумнан артык акчага 26 яңа спектакль куелды.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10