ҺАВА ТОРЫШЫ +2 oC

Яңалыклар

барлык хәбәрләр Татарстан Россия

Җәмгыять

Татарстанда диспансеризация узу өчен бер көн ял бирелергә мөмкин

26 гыйнвар 2018, 21:15 , Фото: Султан Исхаков, tatarstan.ru

Татарстанда диспансеризация узу өчен бер көн ял бирелергә мөмкин Сораштырылган кешеләрнең күпчелеге диспансеризацияне эштән китә алмау сәбәпле уза алмавын әйткән.

(Казан, 26 гыйнвар, “Татар-информ”, Гөлнар Гарифуллина). Татарстанда диспансеризация узу өчен эшләүчеләргә бер көн ял бирелә башларга мөмкин. Оешма-предприятиеләр бу көнне түләнә торган итеп хезмәт килешүләренә үзгәрешләр кертергә тиеш булачак. Бу тәкъдим белән бүген коллегия утырышында Татарстанның сәламәтлек саклау министры Гадел Вафин чыкты.

Министр бу инициативасы белән Татарстанның профсоюзлар федерациясе рәисе Татьяна Водопьяновага, Татарстан Республикасы предприятиеләре һәм эшмәкәрләре ассоциациясе рәисе Александр Лавретьевка мөрәҗәгать итте.

Министр здравоохранения РТ поручил главврачам через соцсети собирать отзывы о своих больницах

Гадел Вафин иминиятләштерү оешмаларының диспансеризация узмаган 31 мең 757 кешене сораштырганнарын әйтте. Аларның 98,5 проценты (31 мең 268 кеше) медицина тикшерүенә килмәүнең сәбәбе итеп, эштән китә алмавын, диспансеризация узу өчен аерым бер көн бирелмәвен билгеләп узган.

Министр беренче урынбасары Сергей Осиповка, республика предприятиеләре һәм эшмәкәрләре ассоциациясе һәм Сәүдә-сәнәгать палатасы белән берлектә, сәнәгать предприятиеләре хезмәткәрләренә онкология, йөрәк-кан тамырлары авыруларын ачыклауга скрининг уздыру буенча тәкъдимнәр әзерләргә йөкләмә бирде. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10