ҺАВА ТОРЫШЫ +10 oC

Яңалыклар

барлык хәбәрләр Татарстан Россия
МӨҺим
«Росатом» WorldSkills Kazan-2019 чемпионатының стратегик партнёры булачак
"Нәүрүз" театраль-белем бирү форумында Достоевский әсәрләре буенча спектакль куела
Бангладеш Премьер-министры рохинья мөселманнарын кире Мьянмага кайтарырга өнди
Төрки телле илләрдә пешекчеләр азык-төлек куркынычсызлыгы буенча онлайн-курслар үтә
Татарстанның мордва милли җәмгыяте рәисе: Телләрне ихтыяри укыту милләтләрне юк итәчәк

Мәдәният, Татар дөньясы

Буа театры халыкара фестиваль үткәрә

13 февраль 2018, 16:51

Буа театры халыкара фестиваль үткәрә Чарада Монголия, Швейцария, Финляндия, Казахстан, Молдавия, Украина, Белоруссия, Мәскәү, Санк-Петербургтан театр коллективлары катнашачак.

(Казан, 13 февраль, “Татар-информ”, Ләйлә Хәкимова). Май аенда Буада “Буа” халыкара театр фестивале үтәчәк. Фестивальдә Монголия, Швейцария, Финляндия, Казахстан, Молдавия, Украина, Беллоруссия, Мәскәү, Санк-Петербург, Мари Эл Республикасы театр коллективлары, курчак театрлары катнаша. Бу хакта “Татар-информ” хәбәрчесенә Буа дәүләт драма театры җитәкчесе Раил Садриев хәбәр итте.

“2016 елда Буа театры март ае дәвамында унтугыз театр коллективын чакырып, театр айлыгы уздырган иде. Быел, ниһаять, ун көн дәвамында “Буа” фестивален халыкара дәрәҗәдә уздырачакбыз. Ул Тәтеш, Кайбыч һәм Буа район үзәкләрендә үтәчәк. Жюри комиссиясенә Мәскәү критигы, драматург, педагог, “Алтын битлек” милли театраль премиясенең экспертлар советы әгъзасы Александр Вислов чакырылды. Әлеге чарада барлыгы 31 театр коллективы катнашыр, дип көтелә. Фестиваль кысаларында үзебезнең театрыбызның географиясен киңәйтеп, аны күтәрәсебез һәм танытасыбыз килә. Фестиваль Буаның йөзенә әйләнергә тиеш”,- Раил Садриев.

Халыкара фестивальгә Россиянең танылган кино һәм театр йолдызы Сергей Безруковның да килүе көтелә. Ул халык оркестры белән “Нәни принц” спектаклен куячак.

Фестивальнең репертуарында этник кыйссалар, чит ил классикасы, заманча драматургия урын ала. Барлык милли театрлар да үз телләрендә спектакль куя, рус теленә тәрҗемә дә булачак.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10