ҺАВА ТОРЫШЫ -6 oC

Яңалыклар

барлык хәбәрләр Татарстан Россия

Җәмгыять

"Экотрадиция 2018" халыкара конкурсы башлана

14 февраль 2018, 08:47

Конкурс 2018 елның 22 февраленнән 22 маена кадәр дәвам итә.

(Казан, 14 февраль, "Татар-информ"). Экология мәсьәләләре белән мавыгучы татарстанлылар "Экотрадиция 2018" халыкара конкурсында катнашу өчен чакырыла. Бу хакта ТР Экология һәм табигый байлыклар министрлыгы матбугат хезмәте хәбәр итә. 

Уздырыла торган конкурсның максаты – табигатьтән файдалану культурасын үстерүгә юнәлдерелгән экологик гореф-гадәтләрне популярлаштыру. Видеопрезентация яисә видеоролик рәвешендә тапшырылган эштә конкурста катнашучылар үзләренең экологик гореф-гадәтләре турында сөйләргә тиеш. Видеоның дәвам итү вакыты 3 минуттан артып китәргә тиеш түгел.

Конкурста 2018 елның 22 февраленнән 22 маена кадәр катнашырга була.

Моның өчен оештыручының http://organicalliance.ru/ сайтыннан анкетаны алырга һәм тутырырга кирәк. "Экотрадиция" конкурсын оештыру комитетына" дип язып куелган эшләрне info@organicalliance.ru электрон адресына җибәрергә кирәк.

Җиңүчеләргә Дипломнар тапшырылачак, конкурс йомгаклары буенча иң яхшы эшләр "Экологик гореф-гадәтләр" җыентыгына кертеләчәк.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10