ҺАВА ТОРЫШЫ -11 oC

Яңалыклар

барлык хәбәрләр Татарстан Россия
МӨҺим
Белоруссиядән сөт продукциясен кертүне чикләүгә карата Марат Әхмәтов аңлатма бирде
Шиһабетдин Мәрҗанинең минбәрен карар өчен, Шыгырдан мәчетенә туристлар килә башлаган
ТР Мәдәният министрлыгы Мурманск өлкәсендә эзтабарлар экспедициясе турында фильмга чакыра
Камал театры тамашачысы “Телсез күке” спектаклен “сүтеп җыйды”
Рөстәм Миңнеханов Алинә Заһитованы Олимпиадада алтын медаль алуы белән котлады

Рәсми Татарстан, Авыл

Авыл хуҗалыгы һәм азык-төлек министрлыгының коллегия утырышы башланды

14 февраль 2018, 10:36 , Фото: Рамиль Гали

Авыл хуҗалыгы һәм азык-төлек министрлыгының коллегия утырышы башланды Аның эшендә Татарстан Президенты катнаша.

(Казан, 14 февраль, "Татар-информ", Гөлнар Гарифуллина). Бүген Татарстанның Авыл хуҗалыгы һәм азык-төлек министрлыгы 2017 елгы эшчәнлегенә йомгак ясый. Аның эшендә Татарстан Президенты Рөстәм Миңнеханов, Татарстанның Дәүләт Киңәшчесе Минтимер Шәймиев катнаша.

Төп доклад белән Татарстан Премьер-министры урынбасары - авыл хуҗалыгы һәм азык-төлек министры Марат Әхмәтов чыгыш ясый.

2017 елда барлык категория хуҗалыкларда авыл хуҗалыгы тулай продукциясе күләме 256 млрд сум тәшкил иткән. Үсеш 5,2 проценттан гыйбарәт.

Былтыр 5,2 млн тонна бөртекле ашлык, 3,1 млн тонна шикәр чөгендере, 405 мең тонна яшелчә җыелган.

1,8 млн тонна сөт, 510 меңнән артык тонна терлек һәм кош ите җитештерелгән.

Тулай продукция күләме буенча Тукай, Яшел Үзән, Арча, Балтач, Кукмара, Зәй, Саба, Нурлат районнары алдынгы. 2017 елда аграр тармакта алдынгылар сафында Әтнә, Балтач, Актаныш, Кукмара, Саба районнары.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр