ҺАВА ТОРЫШЫ -2 oC

Яңалыклар

барлык хәбәрләр Татарстан Россия

Авыл

Татарстанда сөрү җиреннән иң күп һәм иң аз керем алган районнар билгеле (исемлек)

14 февраль 2018, 11:22 , Фото: Рамиль Гали

Татарстанда сөрү җиреннән иң күп һәм иң аз керем алган районнар билгеле (исемлек) Иң зур керем - Тукай районында, иң азы - Чирмешәндә, диде министр Әхмәтов.

(Казан, 14 февраль, "Татар-информ", Чулпан Шакирова). Аграрийлар арасында бер гектар сөрү җиреннән иң аз һәм иң күп керем алучы районнар билгеле. Бу хакта бүген ТР авыл хуҗалыгы министрлыгының киңәйтелгән коллегия утырышында министр Марат Әхмәтов сөйләде.

"Узган елда бер гектар сөрү җиреннән иң күп керем алучы район - Тукай районы. Биредә бер гектар җир 247 мең сум керем бирә. Шулай ук Яшел Үзән, Лаеш, Түбән Кама районнарында да күрсәткечләр югары. Әйтик, бу сан Яшел Үзәндә - 150 мең, Лаешта - 58, Түбән Камада 53 мең сумны тәшкил итә.

Министр шулай ук "кызыл зона"дагы районнарны да атап китте. Мисал өчен, Чирмешәндә бер гектар сөрүлек җир - 8,4, Кама Тамагында - 9,9, Спаста - 11,7, Әлмәттә - 12,4, Менделеевскида - 12,9 мең сум керем эшли.

Исегезгә төшерик, бүген Казанда Идел буе агросәнәгать форумы ачылды. Ул үз эшен 16 февральгә кадәр дәвам итәчәк. Коллегия утырышы алдыннан Татарстан Президенты Рөстәм Миңнеханов һәм Дәүләт киңәшчесе Минтимер Шәймиев авыл хуҗалыгы күргәзмәсе һәм форумда катнашучы мәйданчыклар белән танышты. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10