ҺАВА ТОРЫШЫ +16 oC

Яңалыклар

барлык хәбәрләр Татарстан Россия

Спорт

Питрәч командасы хоккей турниры призеры булды

15 февраль 2018, 03:00 , Фото: pestrecy-rt.ru

Питрәч командасы хоккей турниры призеры булды Питрәчле Илмир Дәминов турнирның иң яхшы һөҗүмчесе булып саналды.

(Питрәч, 15 февраль, "Татар-информ", "Алга", Илшат Гайсаров). Мамадышта урта төркем (2005-2006 елгы) яшүсмерләр арасында А.В.Тарасов исемендәге "Алтын алка" клубының Бөтенроссия яшь хоккейчылар ярышларының республика этабы финал уеннары булып узды. Питрәчлеләр дә пьедесталга күтәрелде, дип яза җирле басма.

Сигез команда, шул исәптән, Питрәч хоккейчылары да, ике төркемдә уйнадылар. "Пестрецы-2006" (тренер Виктор Сорокин) үз төркемендә "Зилант" (Казан) командасын - 13:1, "Арктика"ны (Буа) - 6:1, "Нефтяник"ны (Лениногорск) - 3:1 исәбе белән җиңде. Беренче урын өчен көрәштә, ярышлар финалында "Пестрецы" башка төркем җиңүчесе - "Олимп" (Мамадыш) командасы белән очрашты һәм аңа 2:6 исәбендә җиңелде. Шул рәвешле, районның яшь хоккейчылары, нәтиҗәдә, 2 нче урын алдылар.

Питрәчле Илмир Дәминов турнирның иң яхшы һөҗүмчесе булып саналды.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10