ҺАВА ТОРЫШЫ +7 oC

Яңалыклар

барлык хәбәрләр Татарстан Россия

Спорт

Арча районы Ашытбаш мәктәбендә район беренчелегенә татарча көрәш ярышлары узды

19 февраль 2018, 00:00

Арча районы Ашытбаш мәктәбендә район беренчелегенә татарча көрәш ярышлары узды Барысы 70 бала катнашты.

(Арча, 19 февраль, "Татар-информ", "Арча хәбәрләре"). Арча районы Ашытбаш мәктәбе спорт залында 2005 елда туганнар һәм алардан кечерәкләр арасында район беренчелегенә татарча көрәш ярышлары шушы төбәктәге крестьян-фермер хужалыгы җитәкчесе Руслан Нуриев призына үткәрелде, дип яза җирле басма.

Әлеге чарада район башкарма комитеты җитәкчесе урынбасары Рамил Гарифҗанов катнашты. Барысы 70 бала көрәште. Тренерлар Таһир Лотфуллин, Илшат Фазылҗанов, Рамил Хәкимҗанов хөкем итте. Аларга җанатарлар «Районның иң гадел судьялары» дигән бәяне бирде. Ярышлар бик күңелле барды. Яңа Кенәрдән ветеран педагог, заманында көчле көрәшчеләр әзерләгән Илгиз Сәләхов: «Иң гадел көрәш менә шушы балаларныкы. Алар кайбер зурлар шикелле компромисска бармый, чын күңеленнән көрәшә», — диде. Чыннан да, шулай булды. Җиңелсә, берәүләр гарьлегеннән еласа, арада өченче урынны алгач, шатлыгыннан елаучылар да булды, диелгән район хәбәрендә.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10