ҺАВА ТОРЫШЫ -10 oC

Яңалыклар

барлык хәбәрләр Татарстан Россия
×

Спорт

Әгерҗе егете көрәш буенча Татарстан чемпионы булды

20 февраль 2018, 07:00

Алабугада “Сабантуй“ журналы призына узган Татарстан беренчелеге бәйгесендә Әгерҗе көрәшчеләре дә район данын яклап чыгыш ясады.

(Әгерҗе, 20 февраль, “Татар-информ“, "Әгерҗе хәбәрләре", Миләүшә Ягъфәрова). Алабугада “Сабантуй“ журналы призына узган Татарстан беренчелеге бәйгесендә Әгерҗе көрәшчеләре дә район данын яклап чыгыш ясадылар, дип яза җирле басма.

Татарстанның иң көчле көрәшчеләре белән районнан ундүрт яшүсмергә бил алыштырга туры килде. 2002-2003 елгылар арасында 100 килограммга кадәр үлчәү авырлыгында Үтәгәннән Денис Әминев, абсолют җиңү яулап, Татарстан чемпионы булды. Аңа акчалата премия, бүләк, Грамота һәм медаль тапшырылды.

Кадыбаш мәктәбенең 10 сыйныфында укучы Денис тренер Рәшит Садыйков кул астында көрәш белән биш ел шөгыльләнә. Күптән түгел ул Исәнбайда узган район бәйгесендә абсолют җиңүче булган иде.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10