ҺАВА ТОРЫШЫ +7 oC

Яңалыклар

барлык хәбәрләр Татарстан Россия

Җәмгыять, Мәдәният

Рөстәм Миңнеханов Казандагы музейга магнитофон, ирләр күлмәге бүләк итте

23 февраль 2018, 15:51 , Фото: president.tatarstan.ru

Рөстәм Миңнеханов Казандагы музейга магнитофон, ирләр күлмәге бүләк итте     Татарстан Президенты Казанда Социалистик көнкүреш һәм Бәхетле балачак музеенда булды.

(Казан, 23 февраль, “Татар-информ”). Бүген Татарстан Президенты Рөстәм Миңнеханов Казанда Университет урамындагы Социалистик көнкүреш музеенда булды һәм истәлекле язма белән ике кассеталы магнитофон, узган гасырның сиксәненче елларында эшләнгән электр кырынгычы, ирләр күлмәге бүләк итте. Бу хакта Татарстан Президентының матбугат хезмәте хәбәр итә.

Объезд музеев г.Казани

Татарстан Президенты музей экспонатларын карады. “Мондый джинсы минем дә бар иде, аны Болгариядән алып кайткан идем”, - диде ул.

Музей директоры Рөстәм Вәлиәхмәтов республика башлыгын музейның Санкт-Петербургтагы филалына һәм Төркиядәге бүлеге ачылышында катнашырга чакырды.

Объезд музеев г.Казани

Президент шулай ук янәшә адрес буенча урнашкан Бәхетле балачак музеенда да булды. Шуннан соң ул Казан шәһәре башкарма комитетына Университет урамындагы музей бинасын төзекләндерүгә күпме чыгымнар таләп ителүен исәпләүне йөкләде һәм тәкъдимнәрен кертергә кушты.

“Бүгенге көндә шәһәргә шушындый кызыклы объектлар кирәк”, - диде Рөстәм Миңнеханов, экспозицияләрне караганнан соң.

Объезд музеев г.Казани

"Татар-информ" Рөстәм Миңнеханов Бакый Урманче музее экспозициясен киңәйтергә тәкъдим итте, дип язган иде.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10