ҺАВА ТОРЫШЫ +32 oC

Яңалыклар

барлык хәбәрләр Татарстан Россия
МӨҺим
"Татар-информ"да хәләл продукцияне сертификатлаштыру турында сөйләшәчәкләр
Кичәге сайлаулар нәтиҗәсе буенча Төркия парламентына биш партия керде
Татарстан синоптиклары яшен һәм көчле җил турында кисәтә
Музейда “футбол төне”нә килүче җанатарларга чәй эчү традицияләре турында сөйләячәкләр
Ут белән көрәшүчеләр Лаеш районындагы полигонда пыскып яткан чүп өемен сүндерүен дәвам итә

Җәмгыять

Бәкердә “Запорожец”лар узышты

23 февраль 2018, 17:44 , Фото: gossov.tatarstan.ru

Бәкердә “Запорожец”лар узышты 2015 елдан башлап “ГАЗ-21 Волга” авторетро клубы президенты, Татарстан парламенты рәисе Фәрит Мөхәммәтшинның махсус фонды булдырылган.

(Казан, 23 февраль, “Татар-информ”). Бүген “Бәкер” шифаханәсе узыш трассасында “Запорожец” ретро автомобильләрендә “Авторалли-2018” булды. Бу хакта Татарстан Дәүләт Советы матбугат хезмәте хәбәр итә.

Ярышта Казан, Чаллы, Әлмәт һәм Лениногорскидан егермедән артык машина катнашты. Ярышны Ватанны саклаучылар көнендә уздыру тәкъдиме белән “ГАЗ-21 Волга” авторетро клубы чыкты.

Ярышта катнашучыларны һәм кунакларны Татарстан Дәүләт Советының Икътисад, инвестицияләр һәм эшмәкәрлек буенча комитет рәисе урынбасары Камил Садриев котлады. Парламентарий авторетро клубы үткәргән чараларның популярлыгы үсә баруын, шифаханәгә тарихи машиналар белән мавыгучыларның елдан-ел күбрәк җыелуын билгеләп узды.

Быел безнең илдә эшләнгән тарихи машиналар ярышы ундүртенче тапкыр узды.

2015 елдан башлап “ГАЗ-21 Волга” авторетро клубы президенты, Татарстан парламенты рәисе Фәрит Мөхәммәтшинның махсус фонды булдырылган.

Бүгенге чарада катнашучылар автораллины “Бәкер” шифаханәсенең элеккеге баш табибы һәм әлеге чара идеясе авторларының берсе Фаяз Ибраһимов исеме белән атарга тәкъдим итте.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10