ҺАВА ТОРЫШЫ +32 oC

Яңалыклар

барлык хәбәрләр Татарстан Россия
МӨҺим
"Татар-информ"да хәләл продукцияне сертификатлаштыру турында сөйләшәчәкләр
Кичәге сайлаулар нәтиҗәсе буенча Төркия парламентына биш партия керде
Татарстан синоптиклары яшен һәм көчле җил турында кисәтә
Музейда “футбол төне”нә килүче җанатарларга чәй эчү традицияләре турында сөйләячәкләр
Ут белән көрәшүчеләр Лаеш районындагы полигонда пыскып яткан чүп өемен сүндерүен дәвам итә

Җәмгыять

Казан кызлары, авыр хәлдә калганнарга ярдәм йөзеннән, "Рәхмәт" хәйрия хәрәкәте оештырган

24 февраль 2018, 09:38 , Фото: Султан Исхаков

Казан кызлары, авыр хәлдә калганнарга ярдәм йөзеннән, Иҗтимагый хәрәкәтнең беренче проекты 4 март көнне Кайбычта узачак.

(Казан, 24 февраль, “Татар-информ”, Ләйлә Хәкимова). “Рәхмәт” иҗтимагый хәрәкәте ярдәмгә мохтаҗ, авыр хәлдә калган кешеләргә ярдәм итәргә теләүче иганәчеләр, хәйриячеләрне эзли. Бу хакта “Татар-информ” мәгълүмат агентлыгы хәбәрчесенә хәрәкәтне оештыручыларның берсе Гөлнара Нурмөхәммәтова хәбәр итте.

“Хәзерге вакытта безнең карамакта уннан артык ялгыз әби-бабай бар. Алар арасында ятим оныкларын тәрбияләүчеләр дә очрый. Өлкәннәрнең безнең ярдәм-кайгыртуга мохтаҗ булуы хакында онытмасак иде. Аларның пенсияләре торак-коммуналь хезмәтләр өчен түләүгә, даруларга китә. Ризык һәм кием-салым алырга акчалары калмый. Шуңа күрә ярдәм итәргә теләүче иганәчеләр, хәйриячеләр кирәк”, - ди Гөлнара Нурмөхәммәтова. Хәйрия хәрәкәтен ул иптәш кызы Резеда Шуралева белән оештырган. 

“Рәхмәт” иҗтимагый хәрәкәтенең беренче проекты 4 март көнне Кайбычта узачак. “Федоровскоедагы картлар һәм инвалидлар интернат-йортында “Картлыгым-шатлыгым” проектын башлап җибәрәбез. Хәзер унҗиде бабай һәм унике әбигә күчтәнәчләр әзерлибез. Чәк-чәк, җиләк-җимешләр, конфет, йомшак аяк киемнәре, сөлгеләр алып барабыз. Программада концерт, мастер-класс, чәй эчү каралган. Проектта һәркем катнаша ала”, - ди оештыручылар.

“Рәхмәт” иҗтимагый хәрәкәте ялгыз аналарга, инвалид бала тәрбияләүчеләргә, эшсез калган хатын-кызларга да ярдәм итә. Аннан тыш, мөмкинлекләре чикле һәм ятим балалар өчен медицина үзәкләрендә мастер-класс оештыра.

Гөлнара Нурмөхәммәтова фикеренчә, бүгенге көндә изгелек эшләүчеләр шактый күп. “Һәркем, булдыра алганча, изгелек кылырга тырыша. Бу эштә булышучыларга рәхмәт. Без аларга акчаның нәрсәгә тотылганың фотога төшереп җибәрәбез”, - ди ул.

Волонтерлар “Сугыш балалары”, “Корбан бәйрәме акциясе”, “Һөнәр” проектларын оештырырга уйлыйлар.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10