ҺАВА ТОРЫШЫ +12 oC

Яңалыклар

барлык хәбәрләр Татарстан Россия

Сәясәт, Рәсми Татарстан

Рөстәм Миңнеханов Хөкүмәт составындагы кадрлар белән бәйле карарларга бәя бирде

6 март 2018, 18:18 , Фото: Ильнар Тухбатов

Рөстәм Миңнеханов Хөкүмәт составындагы кадрлар белән бәйле карарларга бәя бирде “Без кадрлар белән карарлар дөрес булды дип саныйбыз”, - дип белдерде Президент.

(Казан, 6 март, “Татар-информ”, Гөлнар Гарифуллина). Татарстан Президенты Рөстәм Миңнеханов журналистларга Хөкүмәттәге кадрлар белән бәйле карарларга карата фикерен җиткерде. Бу хакта сорау Халыкара хатын-кызлар бәйрәменә багышланган тантанадан соң булган әңгәмәдә бирелде.

“Әлбәттә, кадрлар белән бәйле карарлар туып тора. Башка урынга күченүләр бар. Хөкүмәтебезнең бер әгъзасы Дагыстанга эшкә чакырылды. Без кадрларыбызның билгеле бер тормыш юлы узуына игътибар юнәлтәбез. Бигрәк тә, муниципалитеттагы эштә. Безнең кадрлар белән бәйле барлык диярлек карарлар муниципалитетларда эш тәҗрибәсе булган кешеләргә кагыла”, - диде Президент.

Рөстәм Миңнеханов Татарстан Республикасы Премьер-министры урынбасары вазифасына билгеләнгән Ләйлә Фазлыеваны мисалга китерде. “Ләйлә Ринатовнаны алсак, ул Совет районында да, Казан администрациясендә дә зур юл узган кеше. Кадрлар белән бәйле карарларда “булдыра алырмы, юкмы” дигән шик юк. Алар һәркайда эшенең нәтиҗәлелеген күрсәтте. Без кадрлар белән карарлар дөрес булды дип саныйбыз”, - дип белдерде Президент.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10