ҺАВА ТОРЫШЫ +7 oC

Яңалыклар

барлык хәбәрләр Татарстан Россия

Хәвеф-хәтәр

Әлдермеш кешесе юынтык суда батып үлгән

12 март 2018, 13:19

Хатын күршеләре белән ирен юынтык сулар чокырыннан тартып чыгарып караган, тик булдыра алмаганнар.

(Казан, 12 март, "Татар-информ"). Биектау районында Әлдермеш авылында 61 яшьлек ир-ат юынтык сулар ага торган чокырда батып үлгән. Бу турыда "Татар-информ"га Тикшерү комитетының Татарстан буенча идарәсе җитәкчесенең өлкән ярдәмчесе Андрей Шептицкий хәбәр итә.

8 мартта эпилепсия белән авыручы ир-ат автомобиль покрышкаларыннан ясалган чокырга егылып төшкән. Ул, чокырдан чыга алмыйча, тончыгып үлгән.

Ирнең мәетен хатыны табып алган. Ул күршеләре белән ирен тартып чыгарып караган, тик булдыра алмаганнар. Экстрен хезмәтләр килеп, мәетне чокырдан алган.

Тикшерүчеләр вакыйганың нечкәлекләрен ачыклый.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10