ҺАВА ТОРЫШЫ +23 oC

Яңалыклар

барлык хәбәрләр Татарстан Россия
МӨҺим
Казанда юл хәрәкәте куркынычсызлыгын метрологик тәэмин итү хакында сөйләштеләр
Татарстан Республикасы белән Ташкент өлкәсе арасында хезмәттәшлек турында Килешү имзаланды
ТР Президенты белән Петербург Губернаторы үзара хезмәттәшлек чаралары планын имзалады
Татарстан Премьер-министры Казанда ITSF XII Бөтенроссия форумын ачты
Татарстан Президенты Санкт-Петербургта Үзәк хәрби-диңгез музеенда булды

Дин

Баулыда “Гали” мәчетендә хәйрия ярминкәсе үтте

13 март 2018, 09:51 , Фото: dumrt.ru

Баулыда “Гали” мәчетендә хәйрия ярминкәсе үтте Ярминкәдән кергән акчалар мәчет төзелешенә юнәлтеләчәк.

(Казан, 13 март, "Татар-информ"). Баулыда “Гали” мәчетендә хәйрия ярминкәсе үткән. Бинага керүчеләрне татар халкының борынгы көнкүреш кирәк-яраклары - кулдан чигелгән сөлгеләр, сәке япмалары, ашъяулыклар һәм башка ысуллар белән ясалган күргәзмә һәм хуҗабикәләрнең уңганлыгын чагылдырган, авыздан сулар китергән тәм-томнар куелган өстәлләр каршы алган. Бу турыда Татарстан мөселманнары Диния нәзарәте матбугат хезмәте хәбәр итте.

"Мәчеттә шундый гадәти булмаган чара үткәрергә уйладык. Моны мәчеткә йөрүче апаларыбыз бертавыштан күтәреп алдылар, – дип сөйләгән Баулының имам-мөхтәсибе Әнвәр хәзрәт Хәмитов. – Күргәзмәдәге борынгы әйберләр – үткәнебезне искә төшереп соклану өчен. Ә гүзәл затларыбызның кул эшләнмәләре җомга намазына килүчеләргә сатылачак. Бүгенге ярминкәдән кергән акчалар мәчет төзелешенә юнәлтелә."

"Бик матур көн бүген мәчетебездә, – дип әйткән Әнисә апа Биктимерова. – Җомга намазына килүчеләр сатып алса яхшы, кереме саваплы эшкә китәсе бит. Бүген алар өчен чәй табыны да әзерләп куйдык. Мин махсус каз ите белән пешерелгән шулпага балтырган салдым, кабак токмачы кисеп пешердем. Бик тәмле аш ул. Бүген кардәшләребезне шуның белән сыйлыйбыз".

Хәбәрдә әйтелгәнчә, бу көнне мәчеткә йөздән артык кеше килгән, һәрберсе нәрсә дә булса сатып алырга тырышкан. Нәтиҗәдә 9 мең тирәсе акча жыелдган.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10