ҺАВА ТОРЫШЫ +21 oC

Яңалыклар

барлык хәбәрләр Татарстан Россия
МӨҺим
Мәскәүдән Эльза Габдрахманова Казанда узачак "Татар кызы" конкурсында катнашырга әзерләнә
Алмаз Хәмзин: Кадим Нуруллинны циркка җибәрәләр дигәч, шаккатык - "Шәһри Казан" газетасы
Лаештагы авариядә Чувашстаннан килгән егет имгәнгән
Гомель шәһәрендә татар мәдәниятенә багышланган күргәзмә эшли
Казан триатлоны-2018 якшәмбе көнне башкала үзәгендә узачак

Татар дөньясы

Будапештта «Европа татар кызы» бәйгесе уздырыла

14 март 2018, 19:34 , Фото: tatar-congress.org

Будапештта «Европа татар кызы» бәйгесе уздырыла Франция, Австрия, Бөекбритания, Швециядән килгән кызлар милли гореф-гадәтләрне, йолаларны һәм татар телен ни дәрәҗәдә белүләрен күрсәтәчәк.

(Казан, 14 март, “Татар-информ”). Быел беренче тапкыр Венгриядә «Европа татар кызы» бәйгесе уздырыла. Ул апрель аенда булачак, дип Бөтендөнья татар конгрессы матбугат хезмәте хәбәр итә.

Әлеге чарага Чаллының «Болгар» бию театры да барачак.

Будапештта артистлар дөнья халыклары җырлары һәм биюләреннән торган концерт программасын тәкъдим итәчәк. Шулай ук алар бәйгедә катнашучы кызларга сәхнәгә чыгуга әзерлектә ярдәм итәчәк. Франция, Австрия, Бөекбритания, Болгария, Швециядән килгән кызлар жюри алдында милли гореф-гадәтләребезне, йолаларны һәм татар телен ни дәрәҗәдә белүләрен күрсәтәчәк.

Проект һәм сценарий авторы, куючы режиссер — якташыбыз, хәзерге вакытта Швециядә яшәүче Айна Еремина-Зеттерлунд. Ул — ана телен һәм милли мәдәниятебезне саклау, үстерү белән бәйле булган күп кенә чараларны оештыручы.

«Европа татар кызы» проекты Татар конгрессы һәм Татарстан Мәдәният министрлыгы ярдәме белән оештырыла. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10