ҺАВА ТОРЫШЫ +10 oC

Яңалыклар

барлык хәбәрләр Татарстан Россия

Җәмгыять

Машина йөртүчеләр төнлә яктылыкны кире кайтаручы жилет кияргә тиеш була

16 март 2018, 10:57

Бүген Европаның күп кенә илләрендә машина йөртүчеләрдә мондый жилетның булуы мәҗбүри.

(Казан, 16 март, «Татар-информ»). Татарстанда машина йөртүчеләрне яктылыкны кире кайтаручы жилетлардан файдаланырга мәҗбүр итәчәкләр. Юл йөрү кагыйдәләренә тиешле үзгәрешләр 18 мартта үз көченә керәчәк, дип хәбәр итә Татарстан Дәүләт автоинспекциясе.

Машина йөртүче тәүлекнең караңгы вакытында, торак пункттан читтә туктап торганда яки авариягә юлыккан очракта, машинадан чыккач яктылыкны кире кайтара торган махсус жилет кияргә тиеш.

Бүген Европаның күп кенә илләрендә машина йөртүчеләрдә мондый жилетның булуы мәҗбүри. Аларны куллануга бәйле уңай тәҗрибә аны Россиядә дә гамәлгә кертүнең максатка ярашлы икәнлеген раслый.

Татарстан Дәүләт автоинспекциясе юл хәрәкәтендә катнашучыларның барысын да кагыйдәләрне төгәл үтәргә һәм юлларда сак булырга чакыра.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10