ҺАВА ТОРЫШЫ +13 oC

Яңалыклар

барлык хәбәрләр Татарстан Россия

Авыл

Пермь крае татар авылларының II "Үсеш ноктасы" икътисади җыены узачак

16 март 2018, 13:11

Пермь крае татар авылларының II Җыенның максаты – Пермь краенда татар авылларын саклау, аларда яшәү шартларын яхшырту.
(Казан, 16 март, “Татар-информ”). Пермь крае татар авылларының “Үсеш ноктасы” икътисади җыены икенче тапкыр узачак. Быел ул 29 мартта крайның Октябрьск бистәсендә үткәрелә.
 
2017 елда беренче җыенны Кунгур районының Усть-Турка авылы кабул иткән иде. Җыенны оештыручылар – Бөтендөнья татар конгрессы һәм Пермь крае татар милли-мәдәни мохтарияте ярдәмендә, Бөтенроссия татар авыллары оешмасы.
 
Форумда эшкуарлар һәм Пермь краендагы татар авылларында яшәүчеләр арасында хезмәттәшлекне ныгыту, авылда эшкуарлык белән шөгыльләнүчеләрне арттыру, яшьләрне авылда эш белән тәэмин итү чараларын барлау кебек мәсьәләләр күтәрелер дип көтелә. Чөнки җыенның максаты – Пермь краенда татар авылларын саклау, аларда яшәү шартларын яхшырту. Шуңа күрә форумда эшкуарлар, хакимият вәкилләре дә, үз эшен ачарга теләгән авыл кешеләре дә катнашачак.
 
Форум кунакларын Октябрьск районындагы хуҗалыклар һәм социаль объектлар белән дә таныштырачаклар.

Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10