ҺАВА ТОРЫШЫ -2 oC

Яңалыклар

барлык хәбәрләр Татарстан Россия
МӨҺим
Можгада үткән Коръән укучылар бәйгесен балалар бәяләгән
Татар теле олимпиадасына Гарәп Әмирлекләреннән килгән Ибраһим А.Гыйләҗевтан өзек сөйләячәк
Татар теле олимпиадасында катнашучы төрек кызы телне гаиләдә сакларга кирәк дип саный
Татар теленнән олимпиаданың узган елгы җиңүчесе быел ярышка япон егетен килергә үгетләгән
Татар теленнән халыкара олимпиадада катнашучылар өчен 20 төрле бирем җыелмасы әзерләнгән

Хәвеф-хәтәр

Татарстанда узган ел 2,5 меңнән артык икътисади җинаять очрагы ачыкланган

16 март 2018, 12:40

Ришвәтчелектән килгән зыян суммасы 3,5 миллиард сумны тәшкил итә, дип хәбәр итә икътисади җинаятьләргә каршы көрәшүчеләр.

(Казан, 16 март, “Татар-информ”, Чулпан Шакирова). Татарстанда 2017 елда икътисад өлкәсендә 2 574 җинаять кылынган. Бу хакта бүген Татарстан буенча Эчке эшләр министрлыгында узган брифингта икътисади куркынычсызлык һәм коррупциягә каршы көрәшү идарәсе башлыгы Илдар Сафиуллин хәбәр итте. 16 март – Россиядә икътисади җинаятьләргә каршы көрәш бүлекләре хезмәткәрләренең һөнәри бәйрәме көне. Әлеге хезмәтнең 81 еллык тарихы бар.

“2017 елда Татарстанның хокук саклаучылары тарафыннан икътисади өлкәдә 2 574 җинаять ачыкланды. Шуның 1 500 очрагы авыр җинаятьләрдән санала. 595 җинаять аеруча күләмле. Бүгенге көндә килгән зыян суммасы 3,5 миллиард сумны тәшкил итә. Шулай ук 2017 елның 12 ае дәвамында дәүләт хакимияте һәм дәүләт хезмәтенә карата 431 җинаять эше кылынганы билгеле. Коммерцияле 387 вазифаи җинаять эше тикшерелде, шуның 270е судка җибәрелде. Ришвәтнең уртача күләме – 70-80 мең сум тирәсе. Әмма бу – минималь 5-15 мең сум күләмле ришвәтләргә күз йомабыз дигән сүз түгел”, – диде идарә башлыгы.

Илдар Сафиуллин шулай ук ришвәтчелекнең 149 факты теркәлүен, 76 тапкыр ришвәт бирү һәм 73 тапкыр ришвәт алу фактлары ачыклануын атап үтте. Аның сүзләренчә, ришвәтчелек гамәле өчен 148 кеше тоткарланган, шуның 95е җинаять җаваплылыгына тартылган. 

Агымдагы елда ришвәтчелекнең 22 факты ачыкланган. Ришвәт алуның – 12, ә ришвәт бирү һәм арадашчылыкның 10 очрагы билгеле.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10