ҺАВА ТОРЫШЫ -4 oC

Яңалыклар

барлык хәбәрләр Татарстан Россия

Сәясәт, Җәмгыять

Ф.Мөхәммәтшин: "Татэнерго"ның корпоратив патриотлыгы башка оешмалар өчен үрнәк булырлык

16 март 2018, 21:17 , Фото: gossov.tatarstan.ru

Ф.Мөхәммәтшин: Татарстан Дәүләт Советы Рәисе патриотлыкны үстерүгә зур игътибар бирә торган предприятиенең эшчәнлеген югары бәяләде.

(Казан, 16 март, “Татар-информ”). Татарстан Дәүләт Советы Рәисе Фәрит Мөхәммәтшин “Татэнерго”ның корпоратив патриотлыгы башка оешмалар өчен үрнәк булырлык, дип әйтте. Бу хактагы фикерен ул бүген предприятиедә эшләүче яшьләр белән очрашуда белдерде.

Парламент җитәкчесе патриотлыкны үстерүгә, шулай ук яшьләр белән эшләүгә зур игътибар бирә торган предприятиенең эшчәнлеген югары бәяләде.

Уңышка ирешкән кешеләр белән очрашулар оештыру инициаторлары - предприятиенең яшь хезмәткәрләре. Алар хакимият вәкилләре белән очрашу һәм җәмгыять өчен актуаль мәсьәләләр буенча фикер алышу теләген белдергән. Ф.Мөхәммәтшин “Татэнерго” акционерлык җәмгыяте хезмәткәрләренең чакыруын беренчеләрдән булып кабул иткән.

Республика Дәүләт Советы Рәисе эре предприятиеләрдә хезмәт итүче яшьләрнең ролен аеруча билгеләп үтте. "Эшләүче яшьләрдән, энергетиклардан, электр белән тәэмин итү буенча хезмәтләрдән башка республика яши алмый. Биредә эшләүче кешеләр безнең таянычыбыз, алар хезмәт коллективында тәрбияләнә. Сезнең алдыгызга киләчәк өчен бурычлар куябыз", - дип әйтте ул.

Татарстан Дәүләт Советы каршындагы Яшьләр иҗтимагый парламентына, Татарстан Яшьләр хөкүмәте, студентлар бергәлекләре, шулай ук эшләүче яшьләр арасындагы активистларга үз сафларына күбрәк кешеләрне җәлеп итәргә кирәк, дип саный Ф.Мөхәммәтшин.

Очрашу барышында Фәрит Мөхәммәтшин үзенең тормыш юлы турында сөйләде. Төрле сорауларга да җавап бирде. Җыелган яшьләр Казанда чүп яндыру заводы, Мәскәү-Казан тизйөрешле магистраль, парламент эшчәнлеге, Мөхәммәтшинның уңышлы сәясәтче булуы серләре белән кызыксынды. 

Фәрит Мөхәммәтшин сәүдә министры, Премьер-министр, парламент башлыгы булырмын, дип беркайчан да уйламаган. Ул бар эшне дә 100 процент җиренә җиткереп эшләү гадәте горизонтларын киңәйтергә, югары вазифаларга билгеләнергә ярдәм иткәнен әйтте. Парламент рәисе яшьләрне актив, җәмгыятькә файдалы булырга тырышырга, төрле проектларда катнашырга өндәде.

Очрашу азагында "Татэнерго" хезмәткәрләре Фәрит Мөхәммәтшинга футбол тубы бүләк итте. Ул, үз чиратында, очрашуны оештыручыларга уңышлар теләде, сәламәт яшәү рәвеше алып барырга киңәш итте.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10