ҺАВА ТОРЫШЫ -5 oC

Яңалыклар

барлык хәбәрләр Татарстан Россия

Хәвеф-хәтәр

Татарстанда юл һәлакәтендә җиде кеше зыян күргән

17 март 2018, 11:12

Татарстанда юл һәлакәтендә җиде кеше зыян күргән Һәлакәт кичә кич Чаллы-Сарман юлында булган.

(Казан, 17 март, “Татар-информ”). Татарстанда “КИА” һәм “Тойота” автомобильләре бәрелешүендә җиде кеше зыян күргән. Бу хакта “Татар-информ” агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.

Һәлакәт урынына 89 нчы янгын сүндерү-коткару часте хезмәткәрләре килгән.

Якынча мәгълүматларга караганда, “КИА” автомобиленең 29 яшьлек йөртүчесе идарәне югалтып, каршы як полосага чыккан һәм каршы хәрәкәт итүче “Тойота” белән бәрелешкән.

Юл-транспорт һәлакәтендә җиде кеше җитди җәрәхәтләр алган. Кореядә җитештерелгән автомобильдә йөртүче һәм биш пассажир булган, шул исәптә – 6 һәм 10 яшьлек кыз балалар. Алар төрле җәрәхәтләр алган һәм Ашыгыч медицина ярдәме хастаханәсенә озатылган.

Япония автомобиле йөртүчесе дә җиди зыян күргән һәм ашыгыч ярдәм машинасында хастаханәгә озатылган.

Коткаручылар янгын чыкмасын өчен автомобильләрнең аккумуляторларын сүндергәннәр.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10