ҺАВА ТОРЫШЫ +21 oC

Яңалыклар

барлык хәбәрләр Татарстан Россия
МӨҺим
18 июльнең төп вакыйгалары - фото һәм сылтамалар
Илшат Сәетов татар кешесе мәдәни проектларга акча бирергә өйрәнәчәк дип саный
Менделеевск районында балалы гаилә юл һәлакәтенә очраган
Васил Шәйхразиев лидерның артыннан барырлык командасы да булырга тиеш дип исәпли
Чаллыда ир-ат белән үсмерләр арасындагы конфликт башланган мизгел видеога эләккән

Хәвеф-хәтәр

Татарстанда төтен таралган фатирдан 78 яшьлек хатын-кызны коткарганнар

17 март 2018, 12:24

Татарстанда төтен таралган фатирдан 78 яшьлек хатын-кызны коткарганнар Янгын Яшел Үзән районы Әйшә авылында торак йортның подвалында чыккан.

(Казан, 17 март, “Татар-информ”). Татарстанда төтен таралган фатирдан 78 яшьлек хатын-кызны коткарганнар. Бу хакта “Татар-информ” агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.

Әйшә бистәсендә торак йортның подвалында янгын чыгу турынлагы хәбәр ашыгыч хезмәтнең 112 бердәм номерына төнлә килгән. Шаһитлар подвалдан төтен чыгуы турында хәбәр иткән.

Һәлакәт урынына 53нче һәм 153нче янгын сүндерү-коткару хезмәтләре барган. Янгын сүндерүчеләр күпфатирлы торак йортның подвалында янгын чыгуын ачыклаган.

Бу йортта яшәүче 40 кеше бинадан үзләре чыга алган. Күршеләр коткаручыларга икенче катта өлкән яшьтәге хатын-кыз булырга мөмкинлеге турында хәбәр иткән. Янгын сүндерүчеләр 78 яшьлек хатын-кызны төтен таралган подъездан саф һавага чыгарганнар һәм ашыгыч ярдәм табиблары кулына тапшырганнар.

Янгын чыгу нәтиҗәсендә 25 квадрат метрда чүп-чар, мебель һәм урын-җир янган.

Янгын ут белән сак эш итмәүдән чыккан булырга мөмкин.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10