ҺАВА ТОРЫШЫ +21 oC

Яңалыклар

барлык хәбәрләр Татарстан Россия
МӨҺим
Илшат Сәетов татар кешесе мәдәни проектларга акча бирергә өйрәнәчәк дип саный
Менделеевск районында балалы гаилә юл һәлакәтенә очраган
Васил Шәйхразиев лидерның артыннан барырлык командасы да булырга тиеш дип исәпли
Чаллыда ир-ат белән үсмерләр арасындагы конфликт башланган мизгел видеога эләккән
Татар конгрессының чираттан тыш съездында Уставка үзгәрешләр кертү мәсьәләсе каралачак

Җәмгыять

Татарстан дайверларына дөнья рекордын теркәү өчен акча җитмәгән

17 март 2018, 13:47

Татарстан дайверларына дөнья рекордын теркәү өчен акча җитмәгән Икенче экспедиция 2018 елның декабрендә булачак.

(Казан, 17 март, “Татар-информ”, Арсений Маврин). Бүген дайверларның Изумрудное күленә чуму вакыты һәм катлаулыгы дөнья рекорды булып тора. Әмма аны теркәү өчен акча җитәрлек түгел. Бу хакта Рус география җәмгыятенең Татарстандагы бүлеге рәисе Дмитрий Шиллер белдерде.

“Агымдагы елның гыйнварында ук тренировкалар вакытында ук дайверлар дүрт сәгать су астында булды. Моңа кадәр кемдер боз астында шулай озак торуы турында ишеткәнем юк”, - дип уртаклашты отряд җитәкчесе.

Дөнья рекорды гыйнварда ук куелды дияргә була, ә бүген Татарстан дайверлары шәхси казанышка ирешергә планлаштыра. Рекорд кую факты теркәлсен өчен берничә шартны үтәү зарур.

“Рекордны теркәү өчен өзлексез видеотеркәү һәм Бөтендөнья су асты эшчәнлеге конфедерациясеннән халыкара күзәтүчеләр булуы кирәк”, - диде Дмитрий Шиллер.

Рус география җәмгыятенең Татарстан су асты фәнни-тикшеренү отрядының нәкъ менә шуңа акчасы җитмәгән. Отряд әгъзалары чыгымнарның иң зурын үз өсләренә алган, калган өлешен яки чиреген, иганәчеләр вәгъдә иткән булган, әмма ярдәм итмәгәннәр.

Бүген дайверлар су астында һәм боз астында 6 сәгать чамасы булырга планлаштыралар.

Декабрьдә халыкара комиссия әгъзаларын чакырабыз. Жак Ив Кусто командасы әгъзалары һәм Бөтендөнья су асты эшчәнлеге конференциясе Директорлар советы әгъзасы Божена Остойич килер, дип ышанабыз. Мондый профессионаллар катнашуы экспериментны яңа дәрәҗәгә чыгарачак”, - диде Шиллер. Ул рекордны барлык кагыйдәләр буенча терки.

Нәкъ менә Божена Остойич Дмитрий Шиллер командасының башка экспедицияләрендә катнашкан һәм рекордларны теркәгән.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10