ҺАВА ТОРЫШЫ +7 oC

Яңалыклар

барлык хәбәрләр Татарстан Россия
МӨҺим
Нижневартовскиның «Патриот» үзәгендә Муса Җәлил исемендәге музей залы ачылды
Армия генералы Валерий Герасимов хәрби хезмәттәшлекнең перспективалары яхшы булуын әйтте
Татар хор музыкасының “XXI гасыр энҗеләре” фестиваленең гала-концерты Тукайга багышлана
Римма Ратникова Казан шәһәре ревматология үзәген 25 еллыгы белән котлады
Уфада «Әр-Рәхим» мәчете төзиләр

Рәсми Татарстан

Бүген Гадәттән тыш хәлләр комиссиясенең чираттан тыш утырышы узды

17 март 2018, 17:21

Бүген Гадәттән тыш хәлләр комиссиясенең чираттан тыш утырышы узды Чираттан тыш утырышны Татарстан Премьер-министрының беренче урынбасары Рөстәм Нигъмәтуллин уздырды.

(Казан, 17 март, “Татар-информ”). Бүген Татарстан Хөкүмәте йортында Татарстан Премьер-министрының беренче урынбасары Рөстәм Нигъмәтуллин рәислегендә Гадәттән тыш хәлләр комиссиясенең чираттан тыш утырышы узды. Бу хакта Президентның матбугат хезмәте хәбәр итә.

Чираттан тыш утырыш уздыруның сәбәбе - Казанда котельня җимерелү, шуның нәтиҗәсендә 1,5 мең кеше җылылыксыз калган.

Порт урамында котельня стенасы җимерелү турындагы хәбәр ашыгыч хезмәтнең 112 бердәм номерына төнге сәгать өчтә килгән.

Гадәттән тыш хәл урынына килгән коткаручылар бинаның стенасы өлешчә һәм түбәсе ишелүен күрә. Моннан тыш, газ чыгуы да күзәтелгән.

Гадәттән тыш хәл аркасында, 1589 кеше яши торган 12 торак йорт һәм бер балалар бакчасы җылыктан өзелгән.

Котельня бинасы “Казэнерго” карамагында тора. Оешманың авария бригадалары вакытлыча җылылык үткәргеч салу эшләрен алып бара, резервтагы котелларны эшләтәчәкләр. Якын арада казанлылар фатирына җылылык җибәреләчәк.

Гадәттән тыш хәлләр министрлыгы хезмәткәрләре җимерекләрне тикшерә. Якынча мәгълүматлар буенча бина иске булу сәбәпле, стеналар ишелгән. Зыян күрүчеләр юк.

Җимерелү нәтиҗәләрен бетерүдә 77 кеше һәм 19 берәмлек техника катнашты. 60 квадрат метр мәйданда стена ишелгән.

Казанда котельня җимерелүдән соң, Татарстан Президенты Рөстәм Миңнеханов берничә йөкләмә бирде. Аерым алганда, республиканың барлык коммуналь хуҗалыклары объектларын тикшерергә кушты. Моннан тыш, ТР ТКХ объектлары һәм корылмаларына тулы инвентаризация уздырырга боерды. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10