ҺАВА ТОРЫШЫ +10 oC

Яңалыклар

барлык хәбәрләр Татарстан Россия
×

Сәясәт

Алабуганың 27 сайлау участогында видеокүзәтү камералары эшләде

18 март 2018, 20:55

Видеокамералар тавышларны санаганнан соң сүндереләчәк.

(Алабуга, 18 март, “Татар-информ”, Гөлнара Салихова). Алабуганың 27 сайлау участогында һәм территориаль сайлау комиссиясендә видеокүзәтү системалары урнаштырылган.

Видеомониторинг системалары ике камерадан тора. Алар сайлау комиссиясенә һәм тавыш бирү урнасына төбәлгән. Видеокамералар сайлаучыларның тавышларын санаганнан соң сүндереләчәк.

18.00 сәгатькә Алабуганың үзендә сайлауга килүчеләр 72,8 процентны тәшкил итте. Әлеге мәгълүматны Алабуга территориаль сайлау комиссиясендә җиткерделәр.

Шәһәрдә һәм районда сайлау участоклары 20.00 сәгатькә кадәр эшләү каралган.

Иң зур сайлау пункты 10нчы мәктәптә урнашкан. Анда 5,6 мең сайлаучы теркәлгән. Районда кеше күп булган иң зур участок (якынча1,6 мең сайлаучы) Танайка авылында урнашкан.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10