ҺАВА ТОРЫШЫ +21 oC

Яңалыклар

барлык хәбәрләр Татарстан Россия
МӨҺим
Илшат Сәетов татар кешесе мәдәни проектларга акча бирергә өйрәнәчәк дип саный
Менделеевск районында балалы гаилә юл һәлакәтенә очраган
Васил Шәйхразиев лидерның артыннан барырлык командасы да булырга тиеш дип исәпли
Чаллыда ир-ат белән үсмерләр арасындагы конфликт башланган мизгел видеога эләккән
Татар конгрессының чираттан тыш съездында Уставка үзгәрешләр кертү мәсьәләсе каралачак

Рәсми Татарстан

Рөстәм Миңнеханов «Россия лидерлары» бәйгесендә җиңгән Александра Лебедева белән очрашты

19 март 2018, 12:48 , Фото: tatarstan.ru

Рөстәм Миңнеханов «Россия лидерлары» бәйгесендә җиңгән Александра Лебедева белән очрашты Бәйгедә Татарстанның тагын бер вәкиле – юрист Илнар Гыйрфанов та җиңү яулады.

(Казан, 19 март, «Татар-информ»). Бүген Татарстан Президенты Рөстәм Миңнеханов «Россия лидерлары» Бөтенроссия бәйгесендә җиңгән Александра Лебедева белән очрашты. Очрашу ТР Хөкүмәте йортында узды, дип хәбәр итә Президентның матбугат хезмәте.

«Россия лидерлары» конкурсы 2017 елның октябрендә старт ала. Аның максаты – иң перспективалы җитәкчеләрне ачыклау һәм аларга ярдәм күрсәтү. Проектта 200 меңнән артык кеше катнашырга теләк белдерде, шуларның 4,5 меңгә якыны – Татарстаннан. Бәйгенең финалы быелның февралендә Сочида узды. 103 җиңүче арасына Татарстан вәкиле Александра Лебедева да керде.

1 миллион сум күләмендәге грантлардан тыш, җиңүчеләр илнең танылган бизнес һәм хакимият вәкилләре белән хезмәттәшлек итү мөмкинлегенә дә ия булачак. Александра Лебедева Татарстан Президентын үзенең остазы итеп сайлады.

Шунысын да искәртик: «Россия лидерлары» бәйгесендә Татарстанның тагын бер вәкиле – юрист Илнар Гыйрфанов та җиңү яулады. Аның остазы – РФ Федераль Җыены Федерация Советы рәисе урынбасары Андрей Турчак. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10