ҺАВА ТОРЫШЫ +24 oC

Яңалыклар

барлык хәбәрләр Татарстан Россия
МӨҺим
Ык елгасында баткан ир-ат мәетен Минзәлә коткаручылары өч көн эзләгән
Изге Болгар җыенына бару өчен һәрбер мөхтәсибәткә автобус биреләчәк
Мөселман балалар Сабан туенда баш батырны, көрәштермичә, жирәбәдә ачыкладылар
Мәскәүдән Эльза Габдрахманова Казанда узачак "Татар кызы" конкурсында катнашырга әзерләнә
Алмаз Хәмзин: Кадим Нуруллинны циркка җибәрәләр дигәч, шаккатык - "Шәһри Казан" газетасы

Җәмгыять

Советлар Союзы герое очучы Георгий Мосолов вафат

19 март 2018, 14:38

Советлар Союзы герое очучы Георгий Мосолов вафат «МИГ» корпорациясе коллективы Уфада туган легендар очучының туганнары һәм якыннарының тирән кайгысын уртаклашты.

(Казан, 19 март, «Татар-информ»). Совет очучысы, реактив самолетларны сынаучы Георгий Мосолов вафат булды, дип хәбәр итә «Интерфакс» агентлыгы, «МИГ» корпорациясе матбугат хезмәтенә сылтама ясап.

«2018 елның 18 мартында 92нче яшендә атказанган очучы-сынаучы, Советлар Союзы Герое, атказанган спорт мастеры Георгий Константинович Мосолов якты дөньядан китте», - дип белдерделәр матбугат хезмәтендә.

Корпорация коллективы легендар очучының туганнары һәм якыннарының тирән кайгысын уртаклашты.

«Илебез авиациясе үсешенә гаять зур өлеш керткән реактив авиация легендасы, атказанган очучы-сынаучы арабыздан китте», - диде «МИГ» корпорациясе генераль директоры Илья Тарасенко.

Мосолов дөнья күләмендә алты авиация рекорды куя. МиГ-17, МиГ-19, МиГ-21 истребительләре һәм аларның модификацияләрен сыный. Эш дәверендә очкычларның 50дән артык төрен үзләштерә.

Георгий Мосолов 1926 елның 3 маенда Уфада туа. 1953 елда очучы-сынаучылар мәктәбен тәмамлый. Шул ук елда «МИГ» корпорациясенә килә. 1960 елның 5 октябрендә полковник Мосоловка яңа авиация техникасын сынаганда күрсәткән батырлыгы өчен Советлар Союзы Герое исеме бирелә. 1967 елның 20 сентябрендә яңа авиация техникасын сынау өлкәсендәге күпьеллык хезмәте өчен «СССРның атказанган очучы-сынаучысы» дигән мактаулы исемгә лаек була. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10