ҺАВА ТОРЫШЫ +10 oC

Яңалыклар

барлык хәбәрләр Татарстан Россия
×

Җәмгыять

Кукмарада дәүләт программалары нигезендә зур эшләр башкару күздә тотыла

22 март 2018, 06:00 , Фото: kukmor-rt.ru

Кукмарада дәүләт программалары нигезендә зур эшләр башкару күздә тотыла 50 миллион сумга заманча медицина җиһазлары алу да планлаштырыла.

(Кукмара, 22 март, "Татар-информ", "Хезмәт даны"). Район башлыгы Сергей Димитриев быел нинди эшләр башкарылачагы турында сөйләде, дип яза kukmor-rt.ru сайты.

- Программа проектларын формалаштырганда һәр җирлеккә нинди дә булса объект төзүне кертергә тырышабыз. Кечкенә авыллар өчен башлангыч мәктәп, балалар бакчасы, клубны берләштергән объектлар төзү буенча сөйләшүләр, проектны килештерү юнәлешендә эш башладык, - диде ул. - Ә быелгы планнарга килсәк, алар саллы: кимендә 25 мең квадрат метр күләмендә торак, ЗАГС бинасы, Ядегәрдә балалар бакчасы, Иске Кнә һәм Янсыбы авылларында клуб биналары куллануга тапшырылырга тиеш. Янсыбыда клуб төзелеше чыгымнарының яртысын "Урал" хуҗалыгы финанславын да әйтеп үтәргә кирәк. Юл төзелеше программасы буенча Шепшеңгәр авылына асфальт юл салу, Чарлы һәм Нырты юлларын өлешчә ремонтлау каралган. Шәһәрнең магистраль юлларында электр баганаларын алыштыру, Нур Баян микрорайонында теннис мәйданчыгы һәм спорт комплексы, Вахит авылында ял паркы төзү төгәлләнәчәк. Район үзәк дәваханәсендә ремонт эшләренең өченче этабы – поликлиниканы төзекләндерү башланды, 50 миллион сумга заманча медицина җиһазлары алу да планлаштырыла. Шулай ук үзара салым акчаларына да зур күләмле эшләр башкарылачак.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10