ҺАВА ТОРЫШЫ +18 oC

Яңалыклар

барлык хәбәрләр Татарстан Россия
МӨҺим
21 июльнең төп вакыйгалары - фото һәм сылтамалар
Казанда Бөтендөнья урам киносы фестивалендә Татарстанның кыска фильмнарын күрсәтәчәкләр
Клара Кучковскаяның себер татар телендә беренче хикәяләр җыентыгы дөнья күрде
"Аэрофлот" Шереметьево аэропортыннан багажларны җибәрү проблемасы турында хәбәр итә
Театр тәнкыйтьчеләре Чаллы курчак театры спектакле премьерасын карадылар

Җәмгыять

2020 елдан ихтыяҗ зур булачак һөнәрләр билгеле

22 март 2018, 11:39

2020 елдан ихтыяҗ зур булачак һөнәрләр билгеле Хезмәт базарындагы иң өстенлекле өлкәләр булып нанотехнология, робот техникасы, IT, ясалма интеллект, генетика һәм медицина санала.

(Казан, 22 март, “Татар-информ”, Чулпан Шакирова). 2020-2025 елларда актуаль һәм ихтыяҗ зур булачак һөнәрләр исемлеге билгеле булды. Бу хакта бүген өченче Идел буе HR саммиты кысаларында узган “Идел буе регионының киләчәк һөнәрләре” матбугат конференциясендә сөйләделәр.

Head Hunter консалтинг үзәге “Киләсе өч елдагы актуаль профессияләр” темасына һөнәрләр рейтингын анализлаган.

"Хезмәт базарындагы иң өстенлекле өлкәләр булып нанотехнология, робот техникасы, IT, ясалма интеллект, генетика һәм медицина санала. Әлеге хезмәт сфералары тармакланып үсәчәк. Алар бер-берсенә үтеп керәчәк һәм шуның нәтиҗәсендә яңа белгечлекләр формалаша. Без киләчәк һөнәрләрен ике төркемгә бүлдек. Болар: 2020-2023 елларда ихтыяҗ зур булачак һөнәрләр һәм аларга алмашка килгән 2024-2025 елларда югары перспективалы булачак профессияләр”, - диде Казандагы Head Hunter оешмасының матбугат хезмәте җитәкчесе Екатерина Агапова. - Экспертларның күпчелеге фикеренчә, робот техникасы, кибер куркынычсызлык, альтернативалы энергетик белгечлекләре киләчәк профессияләре булып санала. Шулай ук киләчәктә нейропсихолог, биоинформатика, виртуаль чынбарлык архитекторларына да ихтыяҗ зур булачак".

Матбугат хезмәте җитәкчесе сүзләренчә, чит илләрдәге һәм Россиядәге барлык рейтингларда популяр булган космик туризм менеджеры киләчәк профессиясе булып танылмый.

“Экспертлар фикеренчә, 3D басма инженерлары, биоинженерлар, акыллы тирәлек проектлаучылары һәм яңартылган энергия инженерлары якын арада актуаль булачак”, - диде Агапова.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10