ҺАВА ТОРЫШЫ +21 oC

Яңалыклар

барлык хәбәрләр Татарстан Россия
МӨҺим
18 июльнең төп вакыйгалары - фото һәм сылтамалар
Илшат Сәетов татар кешесе мәдәни проектларга акча бирергә өйрәнәчәк дип саный
Менделеевск районында балалы гаилә юл һәлакәтенә очраган
Васил Шәйхразиев лидерның артыннан барырлык командасы да булырга тиеш дип исәпли
Чаллыда ир-ат белән үсмерләр арасындагы конфликт башланган мизгел видеога эләккән

Мәдәният

Шәмсия Җиһангированың кызы әнисен бөек шәхес дип исәпли

22 март 2018, 12:00

Шәмсия Җиһангированың кызы әнисен бөек шәхес дип исәпли Гөлназ Җиһангирова үзе дә шигырьләр яза. Җыр сәнгатен яратучыларга ул Гөлҗиһан исемле башкаручы буларак яхшы таныш.

(Казан, 22 март, "Татар-информ", Мөршидә Кыямова). Шагыйрә, иҗатчы һәм гади хатын-кыз булуы белән дә Шәмсия Җиһангирова бөек шәхес. Бу хакта “Татар-информ” хәбәрчесенә шагыйрәнең кызы Гөлназ Җиһангирова әйтте.

Кичә Татарстан Милли китапханәсенең Зур уку залында Татарстанның атказанган сәнгать эшлеклесе, шагыйрә, журналист Шәмсия Җиһангирова белән очрашу булды. “Гомерләр үтмәгән” дип аталган кичәдә Ш.Җиһангированың балалары, иҗатташ дуслары, әдәбият галимнәре, коллегалары катнашты.

“Әни - бик үзенчәлекле кеше, - ди Гөлназ Җиһангирова. -  Көчле рухлы, популяр, бөек шәхес булуына карамастан, ул гаиләдә һәрвакыт йомшак булып кала белә. Гаиләсе өчен җанын бирергә әзер кеше. Һәрбер уңышын безнең белән уртаклашып килде. Язылган шигырьләренең беренче укучысы без булдык. Мин кияүгә чыгып, гаилә корып яши башлагач, әни әсәрләрен телефон аша укый башлады. Һәрвакыт шигърият казанында бергә кайныйбыз”.

Гөлназ Җиһангирова үзе дә шигырьләр яза. Җыр сәнгатен яратучыларга ул Гөлҗиһан исемле башкаручы буларак яхшы таныш. Гөлназ И.Әүһәдиев исемендәге музыка көллиятендә музыка укыта.

“Үземне белә башлаганнан бирле, безнең өйдә һәрвакыт музыка яңгырап торды. Йортыбызда һәрвакыт иҗат кешеләре кунакта була торган иде. Әти бик матур итеп баянда уйный иде. Мин музыка мәктәбендә укыганда, үзлегеннән фортепианода да уйнарга өйрәнде. Әтиебез Назыймның әни шигыренә язылган берничә җыры барлыгын да әле күптән түгел генә белдем. Музыкант буларак, әни шигырьләренә көй язарга яратам. Минем әзер музыкага да әни үзе сүзләр язган очраклар була”, - диде “Татар-информ хәбәрчесенә Гөлназ Җиһангирова.


 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10