ҺАВА ТОРЫШЫ +23 oC

Яңалыклар

барлык хәбәрләр Татарстан Россия

Мәдәният

"Созвездие-Йолдызлык” фестивалендә уңышка ирешкән балалар ГИТИСка укырга кергәннәр

22 март 2018, 14:44 , Фото: официальный сайт

“Йолдызлык” сәхнәсендә уңышлы чыгыш ясаганга, Эвелина Ришатны Россия театр сәнгате институтына укырга чакырдылар.

(Казан, 22 март, “Татар-информ”, Динә Йосыпова). “Созвездие-Йолдызлык” фестивалендә уңышка ирешкән балалар Россия театр сәнгате институтына - ГИТИСка укырга керәләр. Бу турыда фестивальнең жюри әгъзасы һәм профессор Зилә Сөнгатуллина Чистайда үткән “Йолдызлык"ның зона гала-концертында әйтте.

“Татар-информ” хәбәрчесе Аксубай районыннан килгән Галина Сруртдинова белән әңгәмә корды. Галина - гала-концертка үткән “Фантазия” һәм “Восторг” бию төркемнәренең җитәкчесе. “Мин фестивальдә 18 ел катнашам, үзем вокал педагогы. Минем укучым - “Йолдызлык”та тәрбияләнгән Эвелина Ришат - Россия театр сәнгате институты ГИТИСны тәмамлап, бүгенге көндә инде үзе Ф.З.Яруллин исемендәге Әлмәт музыка колледжында һәм Аксубай районының балалар сәнгать мәктәбендә укыта. Жюриның барлык әгъзалары да, аеруча Дмитрий Туманов, Дмитрий Платонов һәм Дмитрий Пивоваров, Эвелинаның чыгышын бик ошатты. “Йолдызлык” сәхнәсендә Эвелина якты йолдыз булып янып, үзен бик яхшы күрсәтте, шуңа күрә аны ГИТИСка укырга чакырдылар да инде”, - диде Г.Сруртдинова. 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10