ҺАВА ТОРЫШЫ +18 oC

Яңалыклар

барлык хәбәрләр Татарстан Россия
МӨҺим
21 июльнең төп вакыйгалары - фото һәм сылтамалар
Казанда Бөтендөнья урам киносы фестивалендә Татарстанның кыска фильмнарын күрсәтәчәкләр
Клара Кучковскаяның себер татар телендә беренче хикәяләр җыентыгы дөнья күрде
"Аэрофлот" Шереметьево аэропортыннан багажларны җибәрү проблемасы турында хәбәр итә
Театр тәнкыйтьчеләре Чаллы курчак театры спектакле премьерасын карадылар

Мәдәният

Миләүшә Хәбетдинова әдәбиятта үсеш булсын өчен тәнкыйть кирәк, дип саный

23 март 2018, 09:23 , Фото: Солтан Исхаков

Миләүшә Хәбетдинова әдәбиятта үсеш булсын өчен тәнкыйть кирәк, дип саный Филология фәннәре кандидаты әйтүенчә, өлкән язучылар әдәби осталыклары белән уртаклашырга теләми.

(Казан, 19 март, “Татар-информ”, Назлыгөл Мәсәлимова). Филология фәннәре кандидаты Миләүшә Хәбетдинова “Татар-информ”га интервьюсында әдәбиятта үсеш булсын өчен тәнкыйть кирәклеген әйтте.

“Хисап биргәндә, безнең 400 язучы бар. Язучыларның күбесе Казанда яши, иҗат итә, ләкин бер-берсе белән аралашмый. Бер-берсенең иҗатына бәя бирми. Шулай булгач, үсеш турында сүз бара аламы икән? “ – диде ул.

Миләүшә Хәбетдинова язучы Аяз Гыйләҗевны мисал итеп китерде. “Мәктәп укучысы “Казан утлары”на хикәя җибәрә. Язучы исә аңа 16 битлек рецензия яза. Укучыда талант юк әле, тумаган, ләкин бу - әдәби мәктәп. Сиңа язучы булырга ничек ярдәм итә алам мин, ди ул. Нинди китаплар укырга тиеш син? Язмаңда шундый-шундый эпизод бар, аны ничек үстерергә була, син аны бу язучыдан укып өйрән, дип киңәшләр бирә. Бүген яшь язучыларга ярдәм итә торган мондый язучы бармы?” - диде ул.

Уңай күренеш дип, ул Гүзәл Сәгыйтова җитәкчелегендәге “Калеб”не атады. “Очрашулар еш оештырылса да, анда олы яшьтәге язучылар әдәби осталыклары белән уртаклашырга теләми”, - дигән фикер әйтте Миләүшә Хәбетдинова.

Интервьюның тулы вариантын “Интертат” сайтында укырга мөмкин.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10