ҺАВА ТОРЫШЫ -2 oC

Яңалыклар

барлык хәбәрләр Татарстан Россия
МӨҺим
Марат Әхмәтов авылны яшәтүдә сыер савучының ролен билгеләп үтте
Татарстан киносы атналыгының яңалыгы - “Мулла” фильмының премьерасы
Конгресс туган телне ирекле өйрәнү турындагы закон проектын карамаска өнди
Айнур Айделдинов инновацион компанияләр булдыру белән бәйле проблемаларны билгеләде
20 апрельнең төп вакыйгалары - фото һәм сылтамалар

Мәдәният

Әгерҗедә узган “Без бергә“ фестивалендә 160 укучы катнашты

23 март 2018, 00:00 , Фото: Әгерҗе хәбәрләре

Әгерҗедә узган “Без бергә“ фестивалендә 160 укучы катнашты
Район бәйгесендә җиңүчеләр Казанда узачак республика фестивалендә катнашачаклар.

(Әгерҗе, 23 март, “Татар-информ“, “Әгерҗе хәбәрләре“). Әгерҗедә узган “Без бергә“ халык иҗаты республика балалар сәнгать фестиваленең район этабында жюри әгъзалары кырык укучының сәхнә осталыгына бәя бирде. Ә авылларда үткәрелгән зона этапларында барлыгы 162 укучы катнашкан иде, дип яза җирле басма.

“Нәфис сүз“ номинациясендә 4нче һәм Красный бор мәктәпләреннән Регина Орехова һәм Диана Аристовага тиңнәр булмады. Ә җыр буенча Көчек мәктәбеннән Софья Карпова башкарган удмурт җырына иң югары бәя бирелде. Жюрига бию коллективлары чыгышларын бәяләү авыргарак туры килгәндер. Чөнки әлеге коллективларның күбесе республика бәйгеләрендә дә актив катнашалар. Иж-Бубыйдан “Карусель“, “Яшьлек“, балалар иҗаты йортыннан “Кнопочки“, “Росинки“ төркемнәреннән Көчек мәктәбе каршында эшләүче “Радуга“ коллективы да калышмады.

Тирсәдән Сөмбел Йосыпова, 3нче мәктәптән кашыкчылар төркеме, 2нче мәктәптән “Кап-Эль“, Красный бордан “Ритм“ ансамбльләре чыгышлары да югары баллар алды. Фестивальдә “Иҗади гаилә“ номинациясе дә бар иде. Анда Девәтернә “сандугачы“ Фәнис Арсланов, аның җәмәгате Алия һәм кызлары Назлыгөл җыр башкардылар. 3нче мәктәп мөгаллимәсе Гөлнара Нәбиева да кызы Алисә белән җыр тәкъдим итте.

Бик күпләр “Россия сувенирлары“ дип исемләнгән кул эшләре күргәзмәсендә дә катнашты. Нинди генә матур әйберләр юк иде анда: сәйләннән, төсле йоннан, саламнан эшләнгән һәр эшләнмә матурлыгы белән таң калдырды.

Район бәйгесендә җиңүчеләр Казанда узачак республика фестивалендә катнашачаклар.

 

 

 

 

 

 

 

 

 

 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10