ҺАВА ТОРЫШЫ -4 oC

Яңалыклар

барлык хәбәрләр Татарстан Россия

Хәвеф-хәтәр

Апас районы Каратун авылында янгын турында ялган хәбәр белдерелгән

23 март 2018, 05:00

Әлеге ялган чакыру буенча тикшерү эшләре бара һәм ул баланың кем булуы ачыклана.

(Апас, 23 март, "Татар-информ", "Йолдыз"). Апас районының янгын сүндерү бүлегенә бер бала Каратунда йорт януы турында хәбәр иткән, дип яза җирле басма.

Янгын сүндерүчеләр вакыйга булган урынга ашыга. Ләкин баргач, хәбәр расланмый. Йортта ут та, төтен дә күренми. Бала уйнап шылтыраткан булып чыга. Әлеге ялган чакыру буенча тикшерү эшләре бара һәм ул баланың кем булуы ачыклана. Хәзер аның әти-әнисенә штраф яный.

Янгын сүндерү машиналары ялган чакыру буенча йөргән чакта, районның кайсыдыр бер почмагында кемдер чыннан да ярдәмгә мохтаҗ булырга мөмкин. Мондый эштә һәр минут, һәр секунд санаулы. Шуңа күрә дә янгын сүндерүчеләр белән шаярмасагыз, балаларга да шуны аңлатсагыз иде!


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10