ҺАВА ТОРЫШЫ -2 oC

Яңалыклар

барлык хәбәрләр Татарстан Россия
МӨҺим
Ркаил Зәйдулла яңа китабын «Татар-информ» аша тәкъдим итә
Можгада үткән Коръән укучылар бәйгесен балалар бәяләгән
Татар теле олимпиадасына Гарәп Әмирлекләреннән килгән Ибраһим А.Гыйләҗевтан өзек сөйләячәк
Татар теле олимпиадасында катнашучы төрек кызы телне гаиләдә сакларга кирәк дип саный
Татар теленнән олимпиаданың узган елгы җиңүчесе быел ярышка япон егетен килергә үгетләгән

Сәясәт

Төркия, Россия һәм Иран президентлары очрашуы Анкарада 4 апрельдә узачак

31 март 2018, 15:42

Өч ил җитәкчесе очрашуы алдыннан Анкарада Югары дәрәҗәдәге Россия – Төркия хезмәттәшлек советының җиденче утырышы була.

(Казан, 31 март, “Татар-информ”). Чәршәмбе, 4 апрельдә, Анкарада Төркия президенты Рәҗәп Тайип Эрдоган, Россия президенты Владимир Путин һәм Иран президенты Хәсән Руханиның Сириядәге хәлләрне көйләү темасына очрашулары уза. Бу хакта “Анадолу” агентлыгы хәбәр итә.

Төркия дәүләте башлыгы хакимияте хәбәр итүенчә, өч ил лидеры очрашуы алдыннан 3 апрельдә Анкарада шулай ук Югары дәрәҗәдәге Россия – Төркия хезмәттәшлек советының җиденче утырышы була.

Югары дәрәҗәдәге Россия – Төркия хезмәттәшлек советы утырышы Эрдоган һәм Путин рәислегендә узачак. Ул Төркия-Россия багланышларындагы шактый мәсьәләләрдә фикер алышуга багышланачак. Очрашуда катнашучылар, биредә ике илнең дә министрлары катнашачак, төбәк һәм дөньякүләм дәрәҗәдәге темаларга кагылачак.

Путин Төркиягә эшлекле сәфәре кысаларында “Аккую” атом электр станциясенә фундамент салу рәсми чарасында катнашачак.

Төркия дәүләте башлыгы хакимиятендә шулай ук Төркия һәм Иран президентларының ике яклы очрашуы әзерләнүе турында да хәбәр ителә.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10