ҺАВА ТОРЫШЫ +9 oC

Яңалыклар

барлык хәбәрләр Татарстан Россия
МӨҺим
Татар яшьләре спектакль эскизы аша “Мергасов йорты” серләрен ача
27 майның төп вакыйгалары - фото һәм сылтамалар
Рөстәм Миңнеханов Казанның тарихи үзәгендәге объектларны төзекләндерү эшләре белән танышты
Татарстан гаиләләре Марий Элдагы гаилә ансамбльләре фестивалендә катнашкан
Бүген Үзбәкстанда Сабан туйлары уза

Җәмгыять

Казан паркларында кырыкка якын стационар булмаган сәүдә объекты ачылачак

2 апрель 2018, 13:17 , Фото: metshin.ru

Казан паркларында кырыкка якын стационар булмаган сәүдә объекты ачылачак Хәзерге вакытта аукционда тугыз парк катнаша.

(Казан, 2 апрель, «Татар-информ», Динара Прокопьева). Казан паркларында кырыкка якын стационар булмаган сәүдә объекты ачылачак. Парклар һәм скверлар дирекциясенә Казанның 15 паркында стационар булмаган сәүдә объектлары урнаштыруны оештыру буенча вәкаләтләр тапшырылган. Дирекция башлыгы Алсу Сәетова бүген мэриядә узган эшлекле дүшәмбе киңәшмәсендә шул хакта белдерде.

Моңа кадәр бу эш белән Кулланучылар базары комитеты шөгыльләнә иде.

Хәзерге вакытта аукционда тугыз парк катнаша, аларның территориясендә 37 стационар булмаган сәүдә объекты урнаштырылачак, диде Алсу Сәетова.

«Стационар булмаган сәүдә объектлары исемлеген формалаштырганда без парклар һәм скверларның сәүдә рәтләре яки ярминкә мәйданчыклары түгел, ә мәдәният һәм ял парклары булуыннан чыгып эш иттек», - дип искәртте ул.

Кунакларның иминлеген тәэмин итү һәм аларга уңайлы булсын өчен, сәүдә рәтләрен балалар мәйданчыкларыннан читтә урнаштыру турында карар кабул ителгән. Стационар булмаган сәүдә объектлары схемасын төзегәндә шулай ук берничә парк территориясендә стационар җәмәгать туклануы объектлары эшләве дә исәпкә алынган. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10