ҺАВА ТОРЫШЫ +18 oC

Яңалыклар

барлык хәбәрләр Татарстан Россия
МӨҺим
21 июльнең төп вакыйгалары - фото һәм сылтамалар
Казанда Бөтендөнья урам киносы фестивалендә Татарстанның кыска фильмнарын күрсәтәчәкләр
Клара Кучковскаяның себер татар телендә беренче хикәяләр җыентыгы дөнья күрде
"Аэрофлот" Шереметьево аэропортыннан багажларны җибәрү проблемасы турында хәбәр итә
Театр тәнкыйтьчеләре Чаллы курчак театры спектакле премьерасын карадылар

Икътисад

Татарстан Президентының хезмәт хакы 81 мең сумга кадәр кимеде

9 апрель 2018, 14:39

Рөстәм Миңнеханов Татарстан Президентының айлык эш хакын киметте, ә министрлар һәм Татарстан Дәүләт Советы депутатларыныкын арттырды.

(Казан, 9 апрель, «Татар-информ»). Татарстан Президенты Рөстәм Миңнеханов дәүләт вазифаларын башкаручы затларның хезмәт хакы күләме турындагы указны имзалады. Шул хактагы документ Татарстан Президенты сайтында дөнья күргән.

«Татарстан Республикасы министрының айлык хезмәт хакын 39 000 сум күләмендә билгеләргә», - диелә документта.

2017 елның октябрендә ул индексацияләнеп, 23 749 сум тәшкил иткән.

Указ нигезендә, Татарстан Президентының айлык хезмәт хакы 4 756 сумга кимегән. Хәзер Рөстәм Миңнехановның айлык эш хакы 81 мең 276 сум тәшкил итәчәк.

Татарстан Дәүләт Советы Рәисенең хезмәт хакы – 78,78 мең; Татарстан Президенты аппараты җитәкчесе, Татарстан Премьер-министрының беренче урынбасары, Татарстан Хисап палатасы рәисенеке – 73,79 мең; Татарстан Премьер-министры урынбасарыныкы — 68,76 мең; министрныкы – 76,44 мең; Татарстан Дәүләт Советы депутатының эш хакы 58,89 мең сумга тигез.

Указ быелның 17 апреленнән үз көченә керә.  


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10