ҺАВА ТОРЫШЫ +10 oC

Яңалыклар

барлык хәбәрләр Татарстан Россия

Икътисад

Мәдәниятне үстерүгә Кырым дүрт ел эчендә Россия бюджетыннан 170 млн сум акча алды

10 апрель 2018, 17:14

Россия ягыннан Кырымга булышлык мәдәният сәясәтен үзгәртеп коруга беренче ярдәм булды, ди төбәк башлыгы.

(Казан, 10 апрель, “Татар-информ”). Кырым Республикасы 2014 - 2018 елларда  мәдәниятне үстерүгә Россия бюджетыннан 170 млн сумлап акча алды. Бу хакта, төбәк башлыгы Сергей Аксеновка сылтама белән, ТАСС җиткерә.

Россия ягыннан Кырымга әлеге ярдәм чаралары дәүләт мәдәнияте сәясәте буенча күп кенә юнәлешләрдә беренчел эшләрне башкару мөмкинлеген бирде, дип сөйләде Аксенов.

Шулай итеп, әлеге акчага муниципаль китапханәләрне Интернет челтәренә тоташтырдык, китап фондларын комплектацияләдек һәм яңарттык, муниципаль мәдәният йортларының, балалар сәнгать мәктәпләренең матди-техник базасын ныгыттык, дип җиткерә ул.

“Авылларда иң яхшы муниципаль мәдәният учреждениеләренә һәм андагы хезмәткәрләргә дәүләт ярдәме күрсәтелде. Балалар курчак театры яңа техник җиһаз белән баетылды”, - дип,  республика башлыгы сүзләрен китерә агентлык.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10