ҺАВА ТОРЫШЫ -4 oC

Яңалыклар

барлык хәбәрләр Татарстан Россия

Сәясәт

Тел мәсьәләсендә сөйләшкәндә, халык фикерен дә искә алырга кирәк - депутат Фәррахов

12 апрель 2018, 20:42

Тел мәсьәләсендә сөйләшкәндә, халык фикерен дә искә алырга кирәк - депутат Фәррахов Татарстаннан Дәүләт Думасы депутаты туган телне факультатив итеп өйрәнү тәкъдименә аңлатма бирде.

(Казан, 12 апрель, “Татар-информ”, Егор Никитин). Тел мәсьәләсе буенча сөйләшү канун кысаларында һәм сайлаучыларның фикере исәпкә алынып узарга тиеш. Туган телләрне факультатив итеп өйрәнүгә кайтарып калдыра торган яңа канун проектына карата мондый фикерне Татарстаннан сайланган депутат Айрат Фәррахов җиткерде. Ул Дәүләт Думасы закон чыгару базасында әлегә мондый тәкъдимне күрмәвен билгеләп үтте.

Әмма тел мәсьәләсендә Фәррахов Татарстанда һәм илнең башка субъектларында яшәүче кешеләр бәяләмәсенә юнәлеш тотып фикер йөртә. Ә ул мондый: тел дәүләт теле булып санала икән, ул яклау табарга тиеш, шул исәптән закон чыгару органнарыннан да. Шунлыктан, проблема турында тулаем сөйләгәндә, үзара килешү табарга кирәк, - дип саный Айрат Фәррахов.

Шул ук вакытта ул фикер алышуларның да, дискуссияләрнең дә закон кысаларында булырга тиешлеген искәртте. Шундый закон проекты тәкъдиме кертү әле ул бернәрсә дә аңлатмый, диде парламентарий. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10