ҺАВА ТОРЫШЫ -1 oC

Яңалыклар

барлык хәбәрләр Татарстан Россия
МӨҺим
Ркаил Зәйдулла яңа китабын «Татар-информ» аша тәкъдим итә
Можгада үткән Коръән укучылар бәйгесен балалар бәяләгән
Татар теле олимпиадасына Гарәп Әмирлекләреннән килгән Ибраһим А.Гыйләҗевтан өзек сөйләячәк
Татар теле олимпиадасында катнашучы төрек кызы телне гаиләдә сакларга кирәк дип саный
Татар теленнән олимпиаданың узган елгы җиңүчесе быел ярышка япон егетен килергә үгетләгән

Дин

Әлмәт мөхтәсибәте наркоманиядән интегүчеләргә ярдәм күрсәтә

13 апрель 2018, 07:33

Берләшмә әгъзаларының очрашулары һәм семинарлары Әлмәт мөхтәсибәтенә түләүсез бирелгән бинада үткәрелә.

(Казан, 13 апрель, "Татар-информ"). Әлмәт мөхтәсибәте наркоманиядән интегүчеләргә ярдәм күрсәтә. Бу турыда Татарстан  мөселманнары Диния нәзарәте матбугат хезмәте хәбәр итте.

Әлмәт районы һәм Әлмәт шәһәре имам-мөхтәсибе Фәһим хәзрәт Әхмәтҗанов районның наркоманиягә көрәш комиссиясе утырышында Әлмәт мөхтәсибәтенең “Аноним наркоманнар” берләшмәсе белән хезмәттәшлек алып баруы турында сөйләде. “Наркотикларга бәйлелектән интегүчеләрнең “Аноним наркоманнар” берләшмәсе төркемнәре үз нәтиҗәлелеген раслады, соңгы елларда әлеге төркемгә керүчеләрнең, димәк дөрес юлны сайлаучыларның саны 4-5 тапкыр артты”, – дип билгеләп узды мөхтәсиб.

Фәһим хәзрәт шулай ук Әлмәт мөхтәсибәтенең “Аноним наркоманнар” берләшмәсе белән инде берничә ел дәвамында тыгыз хезмәттәшлек алып баруы турында искәртте. Берләшмә әгъзаларының очрашулары һәм семинарлары Әлмәт мөхтәсибәтенә түләүсез бирелгән бинада үткәрелә. Берләшмә әгъзалары чакыруы буенча имамнар сәламәт яшәү рәвеше, рухи халәт һәм төрле бәйлелекләрнең төрләре турында лекция укыйлар. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10