ҺАВА ТОРЫШЫ -4 oC

Яңалыклар

барлык хәбәрләр Татарстан Россия

Мәдәният

Апасның нәни йолдызчыклары “Йолдызлык”та җиңү яулады

15 апрель 2018, 06:00 , Фото: apastovo.ru/

Апасның нәни йолдызчыклары “Йолдызлык”та җиңү яулады Кечкенә сүз осталары махсус бүләккә лаек булды.

(Апас, 15 апрель, "Татар-информ", "Йолдыз").  Апасның нәни йолдызчыклары “Йолдызлык”та җиңү яулады, дип яза җирле басма.

Апас мәктәбе укучылары Гүзәл Гыйниятуллина һәм Мәликә Гыйбадуллина (җитәкчеләре Гөлназ Гыйниятуллина) “Йолдызлык-Созвездие” фестиваль-бәйгесендә алып баручылар буларак чыгыш ясадылар.

Аларның чыгышларын иң элек апаслылар бик яратып карадылар. Аннан “Йолдызлык”ның зонакүләм бәйгесендә жюри тарафыннан югары бәяләнеп, кызлар Казан сәхнәсенә чакыру алдылар. Кечкенә генә, мөлаем, кыю, сәхнәнең тәмен белгән бу кызлар башкалада да югалып калмады. Алар берничә этапны үтеп, бәйгенең “Уникс”та узган гала-концертында катнашу бәхетенә иреште. Кечкенә сүз осталары махсус бүләккә лаек булды. Аларны чын күңелдән котлыйбыз, тагын да зуррак җиңүләрен теләп калабыз, диелгән район хәбәрендә.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10