ҺАВА ТОРЫШЫ +21 oC

Яңалыклар

барлык хәбәрләр Татарстан Россия
МӨҺим
Бардадагы милләттәшләр үз тамырларына багышланган лекциягә чакырыла
Болгарда борынгы биналарны әйләндереп алырга тәкъдим ителде
Әстерханда этномәдәни лагерьга йөрүче балаларны татар мәдәнияте белән таныштырганнар
16 июльнең төп вакыйгалары - фото һәм сылтамалар
Роспотребнадзор Дәрвишләр бистәсендәге Комсомольское күлендә коенмаска киңәш итә

Авыл

Ютазы районы механизаторларының хезмәте яхшы бәяләнде

15 апрель 2018, 23:00 , Фото: Андрей Борисов

Ютазы районы механизаторларының хезмәте яхшы бәяләнде Агымдагы атнада район агроберләшмәләрендә республиканың Авыл хуҗалыгы һәм азык-төлек министрлыгы вәкиле Фәрит Әхмәтов катнашында эшче комиссия эшләде

(Ютазы, 15 апрель, "Татар-информ", "Ютазы таңы", Ильмира Галиева). Ютазы районы механизаторларының хезмәте яхшы бәяләнде. Агымдагы атнада район агроберләшмәләрендә республиканың Авыл хуҗалыгы һәм азык-төлек министрлыгы вәкиле Фәрит Әхмәтов катнашында эшче комиссия эшләде, дип яза район газетасы.

“Таң”, “Уңыш”, “Нәбиуллин”, “Кәрәкәшле”, “АгроМир”, Тукай исемендәге һәм “Вәлиев” хуҗалыкларында булган белгечләр беренче эш итеп тракторларның кырга чыгарга хәзерлеген, аларның техник карау узуын тикшерде. Күчмә ремонт звенолары булуы ачыкланды. Эш планына ярашлы агрегатлар хәзерлеге бәяләнде. Фәрит Әхмәтов хуҗалыкларда орлык фонды күләме һәм аның сыйфаты белән дә кызыксынды. Орлыкны агулап чәчүгә күрелә торган хәзерлек шулай ук көн кадагында тора торган сорауларның берсе.

- Тулаем алганда, районда язгы кыр эшләренә хәзерлек яхшы. “АгроМир”, "Уңыш”, Тукай исемендәге хуҗалыкларда куелган хезмәт аеруча югары бәя алды. Әйтергә кирәк, бүгенге көндә барлык агроформированиеләрдә дә авыл хуҗалыгы машиналарын агрегатлаштыру тулы көченә бара. Механизаторларга кытлык юк. Орлык фондының тулысы белән югары сыйфатлы булуы да күп нәрсә турында сөйли, - дип хәбәр итте башкала белгече Фәрит Әхмәтов.

Шул ук вакытта ул урыннарда хезмәт куркынычсызлыгы юнәлешенәдә эшләп җиткерәсе чаралар барлыгына басым ясады. Җитәкчеләргә хезмәтне саклау мәсьәләләренә игътибарны арттырырга чакырды. Кеше сәламәтлеге бәрабәренә үстерелгән икмәкнең бәяләргә бик кыен, ә кайвакыт мөмкин дә түгел. Шуңа күрә эшчеләрнең язмышы беренче чиратта кайгыртылырга тиеш, дип ассызыклады ул.

 

 

 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10