ҺАВА ТОРЫШЫ +4 oC

Яңалыклар

барлык хәбәрләр Татарстан Россия
МӨҺим
2019 ел Россиядә Авыл елы дип игълан ителергә мөмкин
Хәзер чүплекләр тәртипкә китерелә, лицензиясез эшләүчеләр юк – табигатьне саклау прокуроры
Марат Әхмәтов сөт бәяләренең кайчан артачагын әйтте
Васил Шәйхразиев Нижневартовскның “Росинка” балалар бакчасында булды
Татарстанның дүрт районында чәчүгә керешкәннәр

Татар дөньясы

Мәскәү татарларының «Штаб» клубы Тукайга багышланган флешмоб оештыра

16 апрель 2018, 11:14

Флешмоб Мәскәүдәге татар яшьләре арасында Тукай иҗатын популярлаштыру, татар теле һәм мәдәниятен үзләштерүне актуальләштерү максатыннан үткәрелә.

(Казан, 16 апрель, «Татар-информ»). Мәскәү татарларының «Штаб» клубы татар халкының бөек шагыйре Габдулла Тукайның туган көненә багышланган «Тукай безнең белән – Тукайны онытмыйбыз» дигән флешмоб оештыра. Әлеге чара 26 апрельгә кадәр дәвам итәчәк, дип хәбәр итә «Штаб» клубы матбугат хезмәте.

Флешмоб Мәскәүдәге татар яшьләре арасында Тукай иҗатын популярлаштыру, татар теле һәм мәдәниятен үзләштерүне актуальләштерү максатыннан үткәрелә.

Чарада теләгән һәркем катнаша ала. Моның өчен камерага татар телендә Габдулла Тукайның берәр шигырен сөйләргә һәм әлеге видеоны #тукайштабтатар хештегы белән социаль челтәрләргә урнаштырырга кирәк.

«Штаб» лидеры Рөстәм Ямалиев хәбәр иткәнчә, Мәскәү татарлары Тукайның туган көнен лаеклы төстә билгеләп үтәргә һәм яшьләрне милли мәдәнияткә җәлеп итәргә тиеш. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10